GenelGüncel

Umumukrain NATO gençler forumı

2018 senesi ekim (oktâbr) ayı 4 künü Temsilcilikteki halqara alâqalar ve uquqiy talil hızmetleriniñ baş mesleatçıları Valeriya Pahomova ve Ruslan Seydametov Umumukrain NATO gençler forumında iştirak ettiler.

Tedbirde Ukraina Baş Naziriniñ Avropa ve Avropa-atlantik integratsiyası meseleleri boyunca muavini İvanna Klımpuş-Tsıntsadze, Ukraina gençlik ve sport Naziri İgor Jdanov, Ukrainada NATO malümat ve vesiqa Merkeziniñ müdiri Barbora Maronkova, Kıyiv şeeri devlet memuriyetiniñ reis muavini Valentın Mondrıyivskiy, Ukrainada NATO malümat ve vesiqa Merkeziniñ müdir muavini Viktoriya Tsiyeminite ve gençler ile çalışqan cemaat teşkilâtlarınıñ, gençler merkezlerniniñ, studentlik öz-özüni idare etüv organlarınıñ ve faal gençlerniñ 90-dan ziyade vekili iştirak etti.

Forumnıñ maqsadı – ukrain gençler arasında NATO faaliyeti aqqında kerçek malümatlarnı  muntazam şekilde kenişletüvdir. Forumnıñ daa bir vazifesi – teşkilâtlar ağını meydanğa ketirüv ve öz regionlarda böyle tedbirlerni teşkil ete bilecek ve böyleliknen genç insanlar arasında malümatlarnı tarqata bilecek liderlerni azırlavdır.

Tedbir esnasında NATO-nıñ vazifesi, faaliyetiniñ qıymetleri ve yönelişleri taqdim etildi. Haber havfsızlığı saasında dünyadaki zemaneviy telükeler ve Ukraina ile Alyans arasındaki munasebetler, olarnıñ muvafaqiyetleri ve istiqbali muzakere etildi.

Ukraina tışqı siyasetiniñ esas yönelişlerine ve bu cümleden rusiye istilâsına qarşılıq kösterüv ve Qırımnı işğalden azat etüv meselelerine de ayrıca diqqat etildi.

Kırım'ın Sesi Gazetesi

27 Şubat 2015 Tarihinde hizmet bermege başlağan www.kiriminsesigazetesi.com maqsadı akkında açıklama yapqan Mustafa Sarıkamış İsmail Bey Gaspıralı’nıñ bu büyük mirasına sahip çıqmaq ve onun emellerini yaşatmaqtır. Qırımtatar Türkleriniñ ananevî, körenek, ürf, adet kibi yaşamlarında ne bar ise objektif şekilde Dünya cemiyetine taqdim etilmektir.

Pin It on Pinterest