GenelGüncel

2018 AB Ağlarınıñ Birinci Forumı Ötkerildi

2018 senesi ekim (oktâbr) ayı 3 künü Temsilcilikteki halqara alâqalar hızmetiniñ reisi Yevgen Samuha ve hızmetniñ baş mesleatçısı Valeriya Pahomova 2018 AB ağlarınıñ birinci Forumında iştirak ettiler.

Tedbirde Ukrainada AB Elçisi, AB Temsilciliginiñ Başlığı Hüg Mingarelli, Ukraina Baş Naziriniñ Avropa ve Avropa-atlantik integratsiyası meseleleri boyunca muavini İvanna Klımpuş-Tsıntsadze, Ukraina parlamentiniñ Reis muavini İrına Geraşçenko, Ukraina gençlik ve sport Naziriniñ muavini Mıkola Movçan, AB ukrain haber merkezleriniñ, Ukrainada Avropa klublarınıñ, vekilleri, gençler, avropalı elçiler ve başqa AB ağlarınıñ temsilcileri iştirak etti.

Forumnıñ maqsadı – ağlarnıñ azalarını AB ile Ukraina arasındaki munasebetler saasında soñki vaqialarnen tanıştırmaq, tecribelerini paylaşuv içün imkân yaratmaq, zemaneviy haberleşüv vastaları, bu cümleden, içtimaiy ağlar, jurnalistler ile işbirlik, multimedia vastaları aqqında malümat bermektir.

Forum esnasında AB integratsiyası oğrunda Ukraina yapqan adımlar, Ukraina qanuniyetini avropa standartlarınen uyğunlaştıruv, Ukraina ile AB arasında siyasiy işbirlikniñ istiqbali muzakere etildi.

Ukrainanıñ Avropağa integratsiyası yolunda iqdamına ve bu ceryanda Avropa taraflı ve avropalı gençlik ağlarınıñ rölüne ayrıca diqqat etildi.

Tedbir esnasında Avropa viktorinası-2108 ve video Yarışınıñ ğalipleri mukâfatlandırıldı. Tedbirniñ soñunda Ukrainada AB Temsilciligi ile işbirlik çerçivesinde şimdiki ve kelecekte yürsetilecek leyhalar taqdim etildi.

Kırım'ın Sesi Gazetesi

27 Şubat 2015 Tarihinde hizmet bermege başlağan www.kiriminsesigazetesi.com maqsadı akkında açıklama yapqan Mustafa Sarıkamış İsmail Bey Gaspıralı’nıñ bu büyük mirasına sahip çıqmaq ve onun emellerini yaşatmaqtır. Qırımtatar Türkleriniñ ananevî, körenek, ürf, adet kibi yaşamlarında ne bar ise objektif şekilde Dünya cemiyetine taqdim etilmektir.

Pin It on Pinterest