GenelGüncelKültür Sanat

Üç  siçan balası -Rahim Karim – Kırgızistan

   Nazım AHMETLİ

Kırımınsesi Gazetesi

Azerbaycan Temsilcisi

Rahim Karim

Üç  siçan balası  (Hekayə)

   Evli cütlüyün-madam Siçan və cənab Siçanın qarşısında yeni ili qarşılamaq üçün açacağı bayram süfrəsində pendir, tort və”Olivye” salatına mayonez  əldə etmək kimi çətin bir məsələ dururdu .

   Çoxdan gözlənilən “Siçan ili”gəlirdi .Onların üç ekiz balaları:-Çi-Çi, Ça-Ça və Çu-Çu  mehribancasına birlikdə öz yuvalarında yolka bəzədilər.  

Rəngbərəng fənərlərin işığında bərq vuran gümüşü, şüşə oyuncaqlarla bəzədilmiş gözəl yolkanın parlaq bəzəyi onları valeh edir, yolkanın rəngbərəng işıqları həm ona xüsusi gözəllik verir, həm də yuvanı çox işıqlandırırdı. Boz paltarlı qardaşlar yolka ağacının ətrafında dövrə vurur və birlikdə sevinclə rəqs edərək xorla mahnı oxuyurdular.

Tezliklə Yeni il gələcək,

Çi-çi-çi.

Xorla mahnı oxuyuruq,

Çi-çi-çi.

  Elə bu vaxt cənab siçan “ova” getmək üçün yuvadan çıxdı. Sahibkarın çoxdan açılmış bayram süfrəsindən evdəkilər üçün nə isə çırpışdırıb gətirmək istəyirdi. Eh, bu oval stolda açılmış süfrədə nələr yox idi?!

“Biz də bu evə yad deyilik, axı burda doğulub böyümüşük”- deyə siçan düşündü.

“Deməli bura bizim də evimizdir, bizim də məkanımız, bizim də vətənimizdir. Mən öz balalarım üçün pendirdən və piroqdan bir azca qoparsam heç nə olmaz. Çox şükür ki, sahibkarımız pişik saxlamır. Yoxsa…..

Saxladığı itdən isə bizə  nə…”

  Siçan “ağıllı”başını yuvadan  tamam çıxarmağa macal tapmamış onun boynuna nə isə güclü zərbə endi. Bu tələ idi.

  O zaman isə siçan yuvasında bayrama möhtəşəm hazırlıq gedirdi. Madam Siçan mətbəxdə yerkökünü, kartofu, bərk bişmiş soyutma yumurtanı xırda-xırda doğrayırdı. Kolbasanı da əri dünəndən hardansa tapıb gətirmişdi. Salat üçün bircə mayonez çatışmırdı.

-Ana, anacan atamız işdən tez qayıdacaq?  Ah,mən yeni il piroqundan bir tikə dadmağa necə tələsirəm….

 Anası onu sakitləşdirərək,-belə tələsmə Çi-Çi, bir az səbirli ol- dedi.  Baaax, görərsən, atan mütləq tort parçası ilə qayıdacaq. Sən ki, onu yaxşı tanıyırsan. Axı, o, bizi çox sevir. O, bizim tox və rahat yaşamağımız üçün hər şeyə hazırdır ….

  Ana, anacan sən biləsən ki, mən sizin ikinizi də necə çox sevirəm. Sevirəm,sevirəm,sevirəm.

   Siz-bu dünyada hamıdan yaxşısınız -deyə  başında qırmızı lent bağlamış ortancıl Ça-Ça da öz sevgisini izah etdi.

  Anacan, mən də sizi çox sevirəm deyə balaca Çu-Çu da söhbətə müdaxilə etdi.

 -Ah, mənim balalarım bir bilsəniz  atanla mən də sizi necə çox sevirik,- deyib madam Siçan balalarının hər üçünü  mehribanlıqla qucaqladı .

  Amma hələ də ata Siçan yox idi. Zaman keçirdi. Saatın əqrəbləri 12-yə yaxınlaşırdı, amma onların atasından heç bir xəbər yox idi. Ana  Siçan getdikcə daha çox  narahat olaraq həyəcanlanırdı. Həyat yoldaşının niyə gec gəldiyini bilmək üçün o, yuxarıya can atırdı. Həyəcanla pis bir şeyin baş verdiyini hiss edirdi. Hər saniyə onun ürəyi daha çox sancırdı. O, yuvadan bayıra çıxar çıxmaz  müdhiş bir mənzərə ilə üz-üzə gəldi. Tələdə heç bir həyat əlaməti olmayan – ekizlərinin atası-parketin üstündə uzanmışdı. Onun başı bütün qan içində idi. O, ərinin öldüyünü görüb dəhşətə gəldi, az qaldı ki, huşunu itirsin.

  -Allahım- deyə qorxu içində pıçıldadı:-mənim əzizim, birdənəm, əvəz olunmaz məhəbbətim! Sənə nə ediblər?

 Nəyə görə səni öldürüblər?

Sənə deyirdim axı başqasının heç nəyinə göz dikmək olmaz.

Amma sən eşitmədin, gah un kisəsində gəzdin, gah əlinə keçəni  gəmirdin. Görüm səni oğurluğa vadar edən bu həyatı lənətə gəlsin. İndi biz nə edəcəyik?

Bu üç körpəni mən tək başına necə böyüdəcəm: -deyə o hönkürdü.

Anasının səsini eşidən körpələr yuvanın çıxışına tərəf qaçdılar.

  Yuxarıdan uca musiqi səsi gəlirdi. İnsanlar yeni-“Siçan İli”ni qarşılayırdılar.       – -Bütün gecəni siçan balaları ağladılar:-“Çi-çi-çi, çi-çi-çi,çi-çi-çi!”

Səhərə yaxın qəfildən onların anasının da halı pisləşdi. Ana başa düşdü ki, yəqin “Olivye” salatına qatılan kolbasa  siçan zəhərinə bulaşmış olub. “Nə yaxşı ki,uşaqlar salatdan dadmadılar. Çox şükür!”- deyə ana Siçan düşündü.

  Ölüm qabağı ana siçan  balalarına başqasının malına göz dikməməyi, ömrününün axırına qədər 

namusla çalışaraq hörmət qazanmağı və onlara Yeni il bayramı keçirməyə həqiqətən layiq olmağı vəsiyyət etdi.

Azərbaycan türkcəsinə çeviren : Rəfiqə Qasımqızı

Kırım'ın Sesi Gazetesi

27 Şubat 2015 Tarihinde hizmet bermege başlağan www.kiriminsesigazetesi.com maqsadı akkında açıklama yapqan Mustafa Sarıkamış İsmail Bey Gaspıralı’nıñ bu büyük mirasına sahip çıqmaq ve onun emellerini yaşatmaqtır. Qırımtatar Türkleriniñ ananevî, körenek, ürf, adet kibi yaşamlarında ne bar ise objektif şekilde Dünya cemiyetine taqdim etilmektir.

Pin It on Pinterest