Qırım’nıñ Sesi Şiiri

Gazetamızğa bağışlanğan “Qırım’nıñ Sesi” Şiiri

QIRIMNIÑ SESİ
Qırım yarımadasınıñ
Tamır qırımtatar halqı,
Tarihta savurılğansıñ,
Külmedi bir türlü bahtıñ.

*****
Dünya boyu darqağandır,
Seniñ tuvğan evlâtlarıñ.
Yat elde yurt arağandır,
Seniñ “öksüz” balalarıñ.

*****
Zaman keçti, ep öskendir,
Dört bir yaqta nesilleriñ.
Vatanına qaytalmağan,
Köralmağan öz yerlerin.

*****
Er kün küreş devam ete,
Mucadele qaytmaq içün,
Gür sesini eşittire
“Qırım sesi” halqı içün.

*****
Milletiniñ aq-uquqı,
Körgen havfı-belâlarnı,
Ana tili, em nutuğı,
Adetlerni, em yırlarnı

*****
“Qırımnıñ sesi”nde oquy
Dünya boyu qırımtatar,
Vatanında olğanını,
Bu neşirde bilip, baqar.

*****
İç tınmasın! Yañğırasın
“Qırımnıñ sesi”
dünyada,
Oqumağanlar qalmasın,
Yüreklerimiz Qırımda…

‘Qırımın Sesi’ neşirine bağışlanğan şiirim. Vatanımız oğrunda yapqan zametleri içün Mustafa Sarıkamış ve Furkan Sarıkamışqa teşekkürler bildirem! Sağ olunız! Allah sizden razı olsun!

Urie Ortaalan Kadirova

kırımınsesi gazetesi
kırımınsesi gazetesi

Kırım’ın sesi ailesi olaraq keçken emegi içün sayğılı Uriye hanum Ortaalan Kadırova’ğa büyükten büyük teşekkürler bildiremiz.
Acayip şiirleriñiz ile sayfamızğa ayrı ahenk qoşasıñız.
Tileymiz ki her zaman sizge ilham bergen güzel şeyler olsun hayatıñızda.
Yapqanınız işler içün minnetdarmız ve ğururlumuz.

Qırım’nıñ Sesi Şiiri
Qırım’nıñ Sesi Şiiri
KırımınSesi Şiiri

Bir cevap yazın

E-posta hesabınız yayımlanmayacak. Gerekli alanlar * ile işaretlenmişlerdir

Pin It on Pinterest