Elsevər Hüseynoğlu – Şiir

GƏLSİN

Yenə xəyallarım sən tərəfdədir,

Üstünə təpin, qov buraya gəlsin.

Nə vaxt darda olsan bir səslə, çağır…

Yetsin köməyinə, haraya gəlsin.

*****

Mən kasıb biriyəm əhatəm kiçik,

Dönürəm çevrəmdə, yana çıxmıram.

Quraram könlümdə hüzurdan bir taxt,

Keyfin istəsə bu saraya gəlsin.

*****

Zamanın ayarı tək sənə görə…

Sayıram günləri, ayı bir sözlə.

Bircə qəlbin uçsun mənim tərəfə,

Gözlərəm lap geci bir aya gəlsin.

*****

Gündüz günəşlidir, gecələr aylı,

Qorxma qar, yağışdan, qara gecədən.

Göz nurum ələdim sən gələn yola,

Tökərəm ağını, qaraya gəlsin.

*****

Həsrətlə baxıram getdiyin yola,

Deyirəm gələcək nə vaxtsa olsa…

Birdən işdi əgər, darıxıb etsə

Söylə bu ürəyim haraya gəlsin ?!

Elsevər Hüseynoğlu

Bakı~27/04/2021

Pin It on Pinterest