Canike hanım
Qırımda yaşağan belli bir hanzade, Qırq Yerniñ valisi, Toqtamışnıñ qızı, Edigeniñ apayı. Qırım Hanlığınıñ peyda oluv esnasında büyük bir rol oynadı.
XIV asırnıñ soñunda Qırımda doğdı. 1416 senesi o, öz maiyetinen Mekkege acılıqqa barıp keldi. Bu, cümle İslâm alemine pek tesir etti, Canike hanım islâmiy memleketlerde meşur oldı.
Canike hanım Qırım Hanlığınıñ Uluğ Ulustan ayırıluvında büyük bir rol oynadı. O, Qırım beyliginiñ ükümranı olaraq, Kiçi Muhammed ve Seyid Ahmetke qarşı küreşken ve ilk Qırım hanı olğan I Hacı Gerayğa yardım etti.
QIRIMTATAR VİKİPEDİYASINIÑ MALÜMATI
