Rahmet Qapusını Açqan Dualar

Dua – acizligimizni ve Rabbimizge muhtac olğanımıznı bütün vucüdımıznen bizge is ettirecek ibadettir. Allahtan bir şey istegenimizde, başta, ayatımız, areketlerimiz, Onıñ bizni körmek istegeninen ne qadar kelişkenine baqmaq kerek. Rabbimizniñ emirine ne qadar uyamız ki, onıñ yardımını istemege yeltinemiz! Allah epimizden merhametlidir, amma şeytannıñ da bunı bizge qarşı qullanmasına fırsat bermemek kerek.




Ey, mülkü ve idaresi er zaman devam etken, bir yapraq bile Ondan habersiz tüşmegen! Ey, kâinatta büyük bir eybet altında güzel isimlerini köstergen! Ey, er şeyni qorçalağan sultanatıñda ebediy üküm saibi! Ey, quluña nisbeten çoq merhametli ve çoq şefqatlı olğan! Ey, er şeyni bilgen ve er şeyni eñ ince alına qadar öz ilminen qorçalağan! Ey, günahqa kirgen ya da yolunı şaşırğan insanlarğa şu daqiqası ceza bermeyip, tövbe etmeleri içün zaman tanığan! Ey, ümütnen Seniñ yardımıñ içün el açqanlarnı boş çevirmeyip, olarğa ikram ve lütuflarda bulunğan! Ey, bütün varlıqlarnıñ areketlerini, şekil ve miqdarlarını ikmet ile ve ince ölçülernentaqdir etken! Ey, bütün varlıqlarnıñ yaratılmasında ve idaresinde şefqat ve lütuf ile Özüni köstergen! Ey, tilegen er keske lâyıq olğanları lütuf ve ikramlarnı bermege qadir olğan! Sen er türlü acizlikten ve qusurdan uzaqsıñ. Senden başqa kimse bizge yardım etmez. Bizlerni ceennem ateşiñden uzaq tut, bizge yardım et.

Allah Taalâ Quranda: “Şübesiz, namaz ayasızlıqtan ve yamanlıqtan qorçalay. Allahnı añmaq, elbette, (ibadetlerniñ) eñ büyügidir. Allah yapqanlarıñıznı bile” buyurıp, ibadetniñ insannı yamanlıqlardan uzaqlaştırğanını bildirdi (“Ankebut” suresi, 45-inci ayet).



Bir cevap yazın

E-posta hesabınız yayımlanmayacak. Gerekli alanlar * ile işaretlenmişlerdir

Pin It on Pinterest