TATAR BARMI DEP SORAĞANLARĞA

TATAR BARMI DEP SORAĞANLARĞA

Memet Niyazi

Tatar barmı dep kim soray? Men barman.
Atın sanın bek tanığan caş tatarman.
Türkten özge tuvğanım yoq dünyada.
Türkniñ özi, öz qardaşı Çonğarman.
Millet adım türk bolsa da, tarihte
Şanlı adım tatar, şay dep yazarman.
Öz teregin begenmegen soysızlarğa
Gür davuşman: “Kerekmiysiz!” dep aytarman.
Kelgen keçken hanlıqlarnı, barlıqlarnı
Yoqtır, degen qansızlarğa cav bolarman.
Sav bol, aruv millet! Bugün yuqlasañ da,
Köz yaşımman betiñ sıypap men yantarman.
Talq bolsaq da, halq qatında şüretiñ bar,
Kün körersiñ sen de halqday itibarman.
Men körmesem savlığımda bonday künler,
Mezarımda: “Tatar qayday?” dep sorarman.
“Tatar qayday?” dep sorarman mezarımdan.
Alalmasam yahşı cevap, ah!… Cılarman.

Bir cevap yazın

E-posta hesabınız yayımlanmayacak. Gerekli alanlar * ile işaretlenmişlerdir

Pin It on Pinterest