Quba Rayon Heydər Əliyev Mərkəzində Heydər Əliyevin 100 illiyinə həsr olunmuş ustad dərsi keçdilər

ADPU Quba filialının müəllimləri tələbələrə Quba Rayon Heydər Əliyev Mərkəzində Ulu Öndər Heydər Əliyevin 100 illiyinə həsr olunmuş ustad dərsi keçdilər Bu gün ADPU Quba filialının bir qrup tələbələri və müəllimlərinin iştirakı ilə Quba Rayon Heydər Əliyev Mərkəzində Ulu Öndər Heydər Əliyevin 100 illiyinə həsr olunmuş ustad dərsi keçirilmişdir. İstad dərsinə Əməkdar Mədəniyyət işçisi, ADPU-nun Quba filialının müəllimi Elza Orucova acılış edərək Ulu Öndərin həyatı və fəaliyyəti haqqında tələbələrə geniş məlumat vermişdir. Daha sonra “Riyaziyyat və təbiət elmləri fakültəsinin” dekan müavini Nübar Bayramova Heydər Əliyev irsində multikultural dəyərlərdən bəhs etmişdir. Filialın müəllimi, AMEA Z. Bünyadov adına Şərqşünaslıq İnstitutunun aparıcı elmi işçisi, tarix üzrə fəlsəfə doktoru, dosent Sübhan Talıblı “Heydər Əliyev və Azərbaycan tarixi” movzusunda tələbələrə geniş məlumat vermişdir. Acıq dərs tələbələrin yüksək marağına səbəb olmuşdur. Sonda xatirə fotosu çəkilmişdir.