Qırımğa Yalñız Tatarnıñ Aqqı Bar
Yeşergen gül bağça sebepsiz soldımı?
Biliñ – baht kuneşi vaqıtsız batar.
Ey, islâm alemi! Haberiñ oldımı?
Yurtundan quvulğan qırımlı tatar.
*****
Gunasız bir quşnıñ yuvası çalınğan
Deseler, bu keder dertke dert qatar.
Tatarnıñ vatanı elinden alınğan –
Bu dertni çekermi, biçare tatar?
****
Milletim Uralda, Sibirde çekişir,
Canından ayrılır, zindanda yatar.
Qırımğa emeknen qazanğan aqqından
Bir vaqıt ayrılmaz qaraman tatar.
*****
Umüt iç kesilmey, yağsa da yağmur, qar,
Alemge baht berip, aydın tañ atar.
Qırımğa yalıñız tatarnıñ aqqı bar,
Qırımnıñ saibi – tatardır, tatar!
Memet Muedin/ Mehmet Muhittin Sevdiyar / Мемет Муедин
