Orazamıznı açmadan evel ‘İftar duası’

Mubarek Ramazan ayı er keske hayırlı olsun, sayğılı
oquyıcılarımız! Bilgenimiz kibi, hadiste Peyğamberimiz böyle
buyurdı: “Bir musulman içün eki eñ quvançlı an bar, birisi – iftar
zamanı, ekincisi ise, – Allahqa qavuşqanı zamandır”. İftar –
Yüce Rabbimiz dualarımıznı qabul etken vaqıttır. Onıñ içün
orazamıznı açmadan evel iftar duasını oqumaq kerek. Keliñiz, bu
duanen daa yaqın tanış olayıq:
اَللّٰهُمَّ لَكَ صُمْتُ وَ بِكَ آمَنْتُ وَ عَلَيْكَ تَوَكَّلْتُ وَ عَلَى رِزْقِكَ أَفْطَرْتُ وَ صَوْمِ
الْغَدِ مِنْ شَهْرِ رَمَضَانَ نَوَيْتُ فَاغْفِرْ لِي مَا قَدَّمْتُ وَ مَا أَخَّرْتُ
[Allahummme leke sumtu ve bike amentu ve aleyke tevekkeltu ve
alâ rızqıke eftartu ve savmi’l-ğadi min şehri ramadane neveytu.
Feğfirli ma qaddemtu ve ma ahhartu].
Manası: “Ey, Allahım, Seniñ rizañ içün oraza tuttım, Saña
inandım, Saña sığındım, Seniñ rızqıñnen orazamnı açtım.
Ve Ramazan ayındaki yarınki künniñ orazasına niyet ettim. Menim
keçmiş ve kelecek günahlarımnı bağışla”.
Rabbimiz, bütün tutqan orazalarımıznı qabul etsin, inşaallah!

Bir cevap yazın

E-posta hesabınız yayımlanmayacak.

Pin It on Pinterest