Dünya Qırımtatar Dernegi Oraza Bayramınıznı hayırlay

Dünya Qırımtatar Dernegi Oraza Bayramınıznı hayırlay.

On bir aynıñ sultanı Ramazan bayramını hayırlaymız.

Bir ay zarfında farz olunğan orazalarmıznı tuttıq, terafih namazlarımıznı qıldıq, Quran oqup, hatimler yaptıq. Allı-taqatlı insanlarımız orazalılarğa iftar sofralarını donattılar. Bu yıli yaznıñ adden aşır sıcağına baqmadan, Allahnıñ emirini yerine ketirdik.

Ramazan bayramı – müsülmanlarnıñ ilki ve büyük bayramıdır. Bu bayram künleri oraza tutqanlar içün, umumen, bütün müsülmanlar içün quvanç ve sevinç künleridir. Ramazan bayramınıñ özüne has neşesi bar. Bayram arfesi ve bayram künü allı-taqatlı insanlar muhtaclarğa, yolcularğa, talebelerge fitir sadaqalarnı berirler, o insanlarnı da quvandırırlar. Ramazan bayramı arfesinde halqımız, adeti üzre, qoqular çıqarır, qomşularını, yaqın soy-aqrabalarına ikramlar eter. Bayramnıñ birinci künü, Bayram namazından soñ, büyüklerni ziyaret etmek, merhumlarnıñ qabirleri başında dualar oqumaq çoq güzel ananelerimizdendir.

Aziz mümünler! Cümleñizni oraza bayramnen samimiy hayırlaymız, sofralarıñızğa bereket, özleriñizge baht-saadet tileymiz. Ramazan ayında eda etken ibadetleriñizni Allah Taalâ qabul ve maqbul eylesiñ. Amin!

Bir cevap yazın

E-posta hesabınız yayımlanmayacak.

Pin It on Pinterest