ÇATIRDAĞIMIZ

Qırım yarımadasınıñ eñ belli dağı – Çatırdağdır.
Kunümizden 130 million yıl evelsi peyda olğan ve şimdi deñizden 10 km uzaqlıqta bulunğan bu dağnıñ yüksekligi 1527 metrni teşkil ete.

Çatırdağ
Çatırdağ

Onıñ eñ yüksek ğarbiy yaylasına Eklizi Burun, şaqiy yaylasına ise Angar Burun denile. Dağda bir çoq turistlerniñ diqqatını celp etken ğayet güzel mağaralar bar – Mermer, Emine Bayır-Hosar, Emine Bayır-Qoba, Suvuq-Qoba ve Biñ Baş-Qoba.
Çatırdağnıñ aşağı yaylasını yılda eñ az 40 biñ türist ziyaret ete. Qırımtatar gençleri de sürgünlik qurbanlarını añmaq içün her yıl ‘Çatırdağ seferi’ aktsiyasını teşkil eteler.
Çatırdağnıñ şimaliy tarafındaki yükseklikleri qayın ve ardıç ormanlarınen qaplıdır. Dağ yaylalarında ösümliklerniñ (bitki) 520 çeşiti yetişe.
Olardan 57-si endemik sayılır.
Çatırdağ bir çoq şairlerniñ şiirlerinde añıla. Atamız İsmail Bey Gaspralı da özüniñ ‘Qırım’ adlı meşhur şiirinde aynı bu dağnı medh ete:
Buña “Yeşil ada” derler, yüce mali Çatırdağ, Bunıñ bir tarafı çöldir, bir tarafı bağça-bağ…

Bir cevap yazın

E-posta hesabınız yayımlanmayacak. Gerekli alanlar * ile işaretlenmişlerdir

Pin It on Pinterest