AZAPLAR, KUNIMIZDE – Güner Akmolla’nın kormesınde
2010, 2016 cıllarında, koyın mektep talebelerı, muallimlerı, eş-dostları Buşten dağ şeerınde tatil yasap gezdıler Cörceta ve Bora Fazıl-Ülküsal’ın milletıne aşıq üylerınde. Ve Onder Kaulamet ef., bugun koy tatar dernegın başqanı qonıştı: -Anca Buşten de anladın aqrabalığımızın barın Acı Fazıl aylesımen.Bora ef. qızımnı amelyat ettı kozınden em koy balalarına yaqın aqrabalıq tuydırdı.Men, dep devam ettı Onder Kaulamet ef., 20 seneden bertlı oğraşaman koyın cemaatını doğrı ve medenı colğa ketırmege. Koyımızın evvelkı şanlı-şereflı kunlerını canıdan yaratmağa ıstedım, şımdıkı demokrat dünyamız da ve dernek kolgesınde. Ekı dünya harb arasındaqı tanılması koyımızın diyasporada ve asıl Türkiye, Qırım şeerlerınde ve koylerınde, menı duyğulandırdı ve ozıme tartmağa ıstedım aqran-aqrabalarnı.Bek zor ış! İnsanlar alışqanlar bır ış etmeden catıp-turmağa… ve bolay koyımızın kelecegın emanet etıp bılınmegen ve süyılmegen yerlerge. Muhtarımız QADINLAR KUNI degen adetnı yasadı Koy Kultur Evınde, bedavadan sıpra ve ışkı berıldı, hanımlar sade 10 ley berıp muzikantlarnı ketırdı ler mında.Aru bır aqşam sepası boldı ve o zaman Ayten hanımdan tuydım ki bır kun evvel Eforiye’ de aynı adetnı ablasıman yasağan tatarların arasında, saqlı ış korıp cemmatten. G.A. – Onder ef, men Azaplarğa, nenemın koyıne kelgen saytın evvelkılernı hatırlayman.Şerıgı koyın şımdı Kostencı’ de. Onda tanıdım Septar Useyin Vani efendını, Sıdiyıq Septar ocanın (1888-1956) oğlı, ozı em cıladı em anlattı qatıp quvılğan larını koyden bır şiy almadan, 1947 lerde. Oların 214 hektar tarlası bar eken 1943 te, 200 qoyı, at ve sıyırların sayısı bılınmez eken… Vani Seminar mektebını terk ete ve butun zengınlıklerı alınğan son, ozı cegılıp saban tarta qalğan 5 hektarlarına; belkı 1947 de, belkı 1948 -de, dep anlattı, ertenmen 5-6 kışı, uşeuı koyden, urdılar qapımızğa ve kamyon larğa mınsetıp Kostencı’ge surdıler, onda, bugunkı Spor Salonın cerınde lager bar edı, ılkın nemse sonra rus lagerı bolıp. Tatar, romen, makidon toplaştıq onda. Bır malde ses koterıldı: Ketınız aqrabalarınızğa! Tatamın ve enıştemın Kuza Voda soqağında üylerınde qaldıq, vize alıp yaşadıq, Nıvodar da, tatarca Qarakoyınde şalıştım, topraq taşıdım, terlıgımın astına taqta baylap cürdım…Bonı korgen subay Emin ef. mağa etık berdı de bır alge ketırdı menı 1950 cılların ağırlıqlarında”.
