Genel

Ablaziz VELİYEV 80 – yıllıq yübileyini qayd etti

Qırımtatar yazıcılar birliginin azası şair ve publitsist Ablaziz VELİYEV 80-yıllıq yübileyini qayd etti.
A.VELİYEV 79 kitap, 280 yır, 10 binge yaqın maqalelernın müellifidir.
Bugün universitetimiznin qırımtatar ve jurnalistika bölümünün ocaları ve talebeleri tantanalı merasim ile yazıcını doğğan kunü ile hayırladılar.

TAQDİR

Tatarlığım, tatarlığım, dünyalar aydın!
Ğurbetlikten qaytqan halqnın kim çeker qaydnın?
Ne kormedi ğarip başın, ne eşitmedi?!
Komendantlar at oynattı, sen ep işledin.

Sana Vatan yasaq oldı, ortüldü yollar,
Qırımtatar satqın diye qoyuldu qollar.
Yoq dedin sen, yoq bu yalan, ğayrı korülsün,
Qırımtatar satqın degen közü kör olsun!

Aqiqatnın yolu uzaq, çeresi aydın,
Sağ ol ayta bugün tatar çekkenge qaydın.
Ketsin, ketsin, kelmez olsun biz korgen künler,
Ğurbetlikte olgenlerni unutur kimler?!

Abdulaziz VELİYEV
Qırım.

Memba : Zelfira Shukurdzhiyeva

Kırım'ın Sesi Gazetesi

27 Şubat 2015 Tarihinde hizmet bermege başlağan www.kiriminsesigazetesi.com maqsadı akkında açıklama yapqan Mustafa Sarıkamış İsmail Bey Gaspıralı’nıñ bu büyük mirasına sahip çıqmaq ve onun emellerini yaşatmaqtır. Qırımtatar Türkleriniñ ananevî, körenek, ürf, adet kibi yaşamlarında ne bar ise objektif şekilde Dünya cemiyetine taqdim etilmektir.

Pin It on Pinterest