Qırımdaki medeniy ve tarihiy asabalıq boyunca tögerek masa
2018 senesi ilk qış (dekabr) ayı 20 künü Ukraina medeniyet Nazirligi ile Ukraina haber siyaseti Nazirliginiñ teşebbüsi ile ”Vaqtınca işğal etilgen Qırım toprağında medeniy asabalıqnı qorçalav saasında gumanitar uquqnıñ bozuluvına qarşı halqara-uquqiy vastalarnı araştıruv” mevzusında tögerek masa olıp keçti.
Tögerek masa iştirakçileri, Ukrainanıñ vaqtınca işğal etilgen Qırım toprağında bulunğan medeniy asabalıqnıñ qorçalanuvı oğrunda devlet akimiyeti organlarınıñ ve cemaat teşkilâtlarınıñ kompleks, muntazam ve uyğunlaştırılğan şekilde areket etmelerini temin etmek maqsadınen vaqtınca işğal etilgen topraqlarda medeniy asabalıqnı qorçalav üzerindeki devlet nezaretini devlet siyasetine çevirmek içün semereli vastalar meselesini muzakere ettiler.
Temsilcilikniñ hadimleri Qırımdaki medeniy ve tarihiy asabalıqnı qorçalav vaziyetine işğalci akimiyetniñ menfiy tesirini nezaret etüv saasında daimiy şekilde çalışqanlarını tarif ettiler. Ukrainanıñ vaqtınca işğal etilgen Qırım toprağında qanunsız atiqiy qazmalar yapıp, Qırımdan medeniy yadikârlıqlarnı alıp ketken fizikiy ve uquqiy şahıslarğa qarşı sanktsiyalar kirsetüv boyunca Temsilcilikniñ faaliyeti aqqında da haber etildi. Halqara seviyede Ukrainanıñ mevamını quvetleştirmek maqsadınen Qırımdaki medeniy ve tarihiy abidelerniñ yekâne tolu cedvelini teşkil etmek kerek olğanı qayd etildi.
Tögerek masanıñ neticesi olaraq, tevsiyeler azırlanacaq.
Menba : Ukraina Prezidentiniñ Qırım MC Temsilciligi Resmi Saytı http://www.ppu.gov.ua
