Qırımtatar aşları

Tatarlarnıñ sevgen aşı – çiberek,
Çiberiksiz bayramları pek siyrek.
Lezetlidir burması, köbetesi,
Atta yağsız pişken takos pitesi.
Tatarlarnıñ sevgen aşı iç bitmez,
Çiberekni maqtamağa söz yetmez.

Tatarlarnıñ sevgen aşı – tataraş,
Aşır ayda tansıq aşı – aşıraş.
Sofrasında bitmek bilmez sarması,
Sarmasınen mıtmaq olur dolması.
Tatarlarnıñ sevgen aşı iç bitmez,
Sarmasını maqtamağa söz yetmez.

Tatarlarnıñ sevgen aşı – pilâvdır,
Yigitlerni canlandırğan kebaptır.
Tatar aşar em maqarne, em laqşa,
Bu aşlarnı sen de aşap biñ yaşa.
Tatarlarnıñ sevgen aşı iç bitmez,
Kebap, lağman, sarmağa söz yetmez.
Tatar aşar em maqarne, em laqşa,
Bu aşlarnı sen de aşap biñ yaşa.

MEMBA :

vk.com/ctmusic
Другие тексты песен “Balalar”