Necip Haci Fazıl, Milli şehitimize yazılan şiir
ŞEHİT NECİP İÇUN (1906-1948)
Abdula Veli Şaip
(arqadaşı, milli davada, mahpuste, aqrabalıqta bır bolıp)
Ey milletin namlı, şanlı gazisi ve şehidi
Omrun boyu halkın içun gece, gündüz çalıştın…
Milletım dep millet içün saglıgınnı saurdun
Ta sonunda gazilerge, şehitlerge kavuştun!
*****
Bu gün seni anımak içün toplandık bız bu yerge
Catkan yerın cennet bolsun, hakkın elal kıl bızge.
Hak yolunda, halk yolunda, gece gündüz demeden
Çalışarak feda oldun, tarihlarga karıştın.
*****
Bin dokz yuz kırk sekızde butun halknı aglattın
Kahramanca şehit olup hepimiznı daglattın.
Halkımızga nurlar saçıp, kurban boldın milletke
Unutulmaz yararlıklar kosterdın sen bızlerge.
*****
Ey milletın Kahramanı, asıl temiz “Necibı“
Helal eyle hakkın bızge, sen idin halk şerifi.
Bilgin ile namusunla, Türk – Tatarnın başıydin
Az ömründe çok çalışıp, hepımızge ders oldun.
*****
Mezarında taş ve toprak derdımızge dermandır,
Halk yolunda gayretlerın ruhumızga şifadır.
Tatar ve türk dünyasının hakkı içun bagırdın
Olunce tek milletım dep, millet içun aygırdın.
*****
Senı anmak hepımızge Tarihi bir boruçdur
Mezarında taş ve toprak, mucuzele fenerdır.
Ebediyen senı anmak, millet içun yaraşır
Cenabı hakkın rahmetile, bütün dua ulaşır.
*****
Ey milletın namlı, şanlı gazisi ve şehidi,
Mezarından halımızı bilmek istersen şayet
Yurtsız, bayraksız milletız, garip halde yaşaymız,
El ecnebi koltugunda göz yaşıman cılaymız…
*****
Bugun bizge bır tarihtır, artsun bunday adımlar,
Sau bolınız, bar bolunuz, bu duanı yapkanlar!
29 Nisan 1990
Hoca Abdula Veli Şaip (1913- 1991) (babam)
Mezarında oqulmak uşun yazıldı.
