Vatanım Qırım

Güzelsiñ güzel, dağlarıñ yüce.

Yürekte barsıñ, tiz çöker ecel.

Sendedir bilem ömrümniñ sırı

Yalıñız sensiñ yüregim yırı. 

*****

Dünyada barsıñ, ey Ana-Qırım,

Sen menim bitmez, tükenmez yırım.

Vatanım -Qırım, milletim – Qırım,

Ölüm de – Qırım, tirim de – Qırım.

*****

 Talamaq içün yaptılar ırım,

Ezdiler meni ölsin dep yırım

Taqtılar lağap, oldım men – tatar,

İstegen meni sağ-solğa satar.

*****

 İcretten qaytam ep tamçı-tamçı,

Zabitler ura ep qamçı-qamçı.

Tişlerim sıqıp yol aldım Orğa,

Çal atım menim yel ayaq yorğa.

Elvina Yuldaşeva – Vatanım Qırım