Ukrainada Avropa sport aftasına azırlanuv çerçivesinde keçirilgen santıraç yarışı keçirildi
2018 senesi berim (sentâbr) ayı 18 künü ‘‘Olimpiyskıy’’ Milliy Sportiv Kompleksinde Ukrainada Avropa sport aftasını qayd etüv çerçivesinde santıraç yarışı keçirildi.
Avropa Komissiyasınıñ imayesinde Ukraina gençler ve sport Nazirliginiñ qol tutuvı ile keçirilgen tedbirde Temsilcilikteki halqara alâqalar hızmetiniñ reisi Yevgen Samuha, (Azerbaycan, Frenkistan, Gürcistan, İndoneziya, İspaniya, Qazahistan, Marokko, Portugaliya) çetel devletlerden diplomatik müessiselerniñ vekilleri, Ukraina merkeziy akimiyet organlarnıñ temsilcileri ve paytahtnıñ genç faalcileri iştirak etti, olar içün santıraç boyunca Ukraina milliy taqımınıñ azaları, grosmeysterler Yuliya Osmak ve Volodımır Baklan bir vaqıtta 20 tahtada oyun oturumını keçirdiler.
Yarışnıñ iştirakçilerini Ukraina gençler ve sport Naziriniñ Avropağa integratsıya boyunca muavini Mıkola Movçan hayırladı. O, Ukraina bu sene AB sport saasında esas teşebbüslerinden birine qoşulğanını bildirldi, böyleliknen, Avpora sport aftası Ukrainanıñ Avoprağa ıntıluvları aqqında hatırlatmaq içün daa bir imkândır.
Chess Tournament, devoted to European Sports Week in Ukraine – Шахматный турнир на Европейской неделе спорта в Украине- Ukrainada Avropa sport aftasına azırlanuv çerçivesinde keçirilgen santıraç yarışı
