AŞURE KÜNÜ VE MÜIMLIGI

Muharrem ayınıñ onuncı künü “Aşure” künüdir. Muharrem ayı Yüce dinimizde qıymet kesilgen dört aydan birisidir. Bu ayda tutulğan oraza Ramazandan soñ eñ qıymetli orazalardan sayılmaqtadır. Peyğamber Efendimiz (a.s.) bu hususta böyle buyurdı:
“Ramazandan soñ eñ faziletli oraza Muharrem ayında tutulğan orazadır” (Müslim).
Bu aynıñ onuncı künü dualarnıñ ve tövbelerniñ qabul etilgen aşure künüdir. Çünki bu kün Yüce Allah Ademniñ (a.s.) tövbesini qabul etti. Azreti Nuhnı tufandan qurtardı. Azreti Yunusnı balıqnıñ içinden çıqardı. Azreti İbraimni ateşten qurtardı. Azreti İdrisni yüceltti. Azreti Yusufnı quyudan qurtardı ve babasına qavuştırdı. Yüce Allah bu kün Azreti Eyyübniñ hastalıqlarına şifa berdi. Azreti Musanı ve milletini Firavunnıñ zulumından qurtarıp, Qızıl deñizden keçirdi. Bir de bu kün Azreti İsanıñ doğıp köklerge yükselgen kündir.

İslâm aleminde bu kün “Aşure tatlısınen” meşurdır. Bu kün Aşure tatlıları pişirilip ev-ev alıpbarıla, böyleliknen quvanç ve neşe evlerni toldurıp muhabbet ve sevgi yaymağa çalışa. Musulmanlar arasında qardaşlıq duyğularını daa da çoq canlandırmağa ve pekitmege fırsat berile ve eñ müimi fuqare ve balalarnıñ göñülleri alına. Yüce Allah bu künü tutqan orazalarımıznı, yapqan ibadetlerimizni, bergen sadaqalarımıznı ve etrafqa yayğan tebessümlerimizni qabul etip, ahirette fazlasınen qarşılığını körmege epimizge nasib ve müesser eylesin. Amin!

Bir cevap yazın

E-posta hesabınız yayımlanmayacak.

Pin It on Pinterest