TAPMACALAR

Ay beş oğul, beş oğul,
Eki anada beşer oğul.
Tüsleri bir, boyları başqa,
Alayınıñ adı bar.
(El ve parmaqlar)

Deñiz-deryadan keñ,
Eñ büyük quyudan teren,
Quşlardan tez uça,
Atlardan tez çapa.
(Fikir)

Eki asma quyum bar,
Dünya qadar ses sığar.
(Qulaqlar)

Ürpi-çurpi astında,
Qalem sızar astında,
Cıltır-cıltır astında,
Eben çoqmar astında
Cırıq yata sürü qaya.
(Bet)

Yapısı suvdan,
Özü nurdan.
(Köz)

Tiriden ölü doğar,
Ölüden tiri doğar.
(Yımırta, çipçe)

Toban töşevli yerde
Men aq “topçıq” yaratam.
Kün qonayım degende,
Damğa minip, men yatam.
(Tavuq)

Elsiz-ayaqsız yol kezer,
Dost qalbini dostqa söyler.
(Mektüp)

Taqa-tuq, taqa-tuq,
Ketirem men pek çoq yük.
Gece-kündüz yol yürem,
Uzaqlardan men kelem.
Dağ ve çöllerni keçem,
Deñiz, qırlarnı körem.
Şeer, köylerde yürem,
Episine selâm berem.
Taqa-tuq, taqa-tuq,
Ketirem men pek çoq yük.
Balalarğa kitaplar,
Zavodlarğa tezyalar,
Köylülerge traktorlar,
Şeer, köyge kiyimler,
Telegrammalar, mektüpler,
Qurucılıqqa tula, mıh,
Fabrikalarğa pamuq,
Uzundır menim boyum,
Demirden yürgen yolum.
Bir oylanıp baqıñız,
Men nedirim? Tapıñız?
(Tren)

Bir cevap yazın

E-posta hesabınız yayımlanmayacak.

Pin It on Pinterest