ŞERLİ

Mıng şeşekey işinde
Seni saylap alar edim,
Sıluvınga suklanıp,
Ömirimde toymas edim.

Sarnağanday sözleringe
İrigendey köner edim,
Köngilime sen atıngdı
Tımar etip salar edim.

Sıpatıngdı körgende-
Oylı şâir men boldım,
Seni yasap sav kûnde-
Sûvretşi de men boldım.

Seni körgim kelgenley,
Kûletking de men boldım,
Navasızlı uykıdan
ayırılgan men boldım.

Oylarımdı urlagan
sıylı karak sen boldıng,
Közlerimdi izletken
körinis te sen boldıng,

Sırlı kevdeng saarlı
meni tartkan sen boldıng,
Kûnlerimdi kaygırtkan
kanıgıslı sen boldıng.

Şeşekeyler sırasınnan
saylap algan bolayım,
Sen aldatşı meni, yanım,
aldangan da bolayım.

Deli oylar dayanışlı
şıdagan da bolayım,
Talap etken sözlerim men
şerli degen bolayım.

Шерли.

Мынъ шешекей ишиннен
сени сайлап алар эдим,
Сылувынъа сукланып,
оьмиримде тоймас эдим.

Сарнагандай соьзлеринъе иригендей коьнер эдим,
Коьнъилиме сен атынъды
тымар этип салар эдим.

Сыпатынъды коьргенде,
Ойлы шаьйир мен болдым,
Сени ясап сав куьнде – суьвретши де мен болдым.

Сени коьргим келгенлей,
куьлеткинъ де мен болдым,
Навасызлы уйкыдан айырылган мен болдым.

Ойларымды урлаган сыйлы карак сен болдынъ,
Коьзлеримди излеткен коьринис те сен болдынъ.

Сырлы кевденъ саарлы мени тарткан сен болдынъ,
Куьнлеримди кайгырткан каныгыслы сен болдынъ.

Шешекейлер сырасыннан сайлап алган болайым,
Сен алдатшы мени,яным,
алданган да болайым.

Дели ойлар даянышлы шыдаган да болайым,
Талап эткен соьзлерим мен
Шерли деген болайым.