Genel

Qırımtatar Aşları: Qalaqay

Qırımtatar Aşları: Qalaqay

0,5 kilo un,2 yumurta,250 gram çiy qaymaq,0,5 qahve qaşığı çay sodası,1 aş qaşığı margarin,keregi qadar tuz alına. Ununu hamur tahtası ya da bir çanaq içine elegen soñ, içine 2 yumurta qırıp,çiy qaymaq,margarin,soda ve tuz qoyula,hamur basıla.hamurunu yahşı etip basqan soñ, özlenmesi içün bir çetke çekip, üstüne bez örterek,on daqiqa devamında tutula.

soñra oqlav yardımınen onu bir buçuq parmaq ya da ondan da qalınca etip yayğan soñ,tübü yağlanğan tavağa yerleştirip, pıçaqnıñ ucunen üzerine sızıqlar çizip,baqlava şeklindeki şekiller asıl etile.bir yumurtanı yahşı etip atlatqan soñ,onu qalaqaynıñ üstüne sürtüle.eger yumurta olmasa çiy qaymaq ya da sarı yağ da sürütmek mumkün.tavanı başta keskin ateşli furunda 5 daqiqa tutqan soñ,ateş hafifleştirile.yahşı etip qızarğan soñ,tüşürüp sofrağa berile.

İhtar-Qalaqaynı sızıqnen,izmirnen,ceviz, fıstıq,badem,soğan,yumurta ve diger malzemelernen de yapmaq mumkün.eger de qaysı birinen yapmaq istenilse,şu malzemeni hamur basqanda onuñ içine qoyup basmaq lazım.

Kırım'ın Sesi Gazetesi

27 Şubat 2015 Tarihinde hizmet bermege başlağan www.kiriminsesigazetesi.com maqsadı akkında açıklama yapqan Mustafa Sarıkamış İsmail Bey Gaspıralı’nıñ bu büyük mirasına sahip çıqmaq ve onun emellerini yaşatmaqtır. Qırımtatar Türkleriniñ ananevî, körenek, ürf, adet kibi yaşamlarında ne bar ise objektif şekilde Dünya cemiyetine taqdim etilmektir.

Pin It on Pinterest