NASIL AHMET AQAY DED MOROZNIÑ(AYAZ BABA) PABUCUNU DAMĞA ATQAN

Yañı yılda,balaçıqlar mahallede toplanğan. Ayaz Baba kelecek dep yolcularğa sorağan. Ne baqsınlar uzaqlardan saqallı dede kele, Eşeçigi quvançnen anda-mında sekire. Allah-Allah!Bu da kimdir,yoqda bumu beklene?.. Yanı yılda balalarğa hediyeler ketire?..Selam aleykum,qartbaba,qaydalardan kelesiz? Yoqsa bizge bu bayramda,sizmi bahşış beresiz? Aydıñız güzel evlatlar,sizge bir şey aytayım, Mında pişken cemaat aşqa öz tuzumnu qoşayım. Menim adım Ahmet aqay,maña hoca aytalar, Bizim güzel adetlerimiz yavaş-yavaş qaytalar. Bahşış istegenler barsa sırasına tizilsin, Ana tilinde şiirler her yerde eşitilsin. Eşittim ki balalarımız ana tilni unutqan, Öz bayramnı taşlayıp da,ecnebîge sarılğan.

 

Onuñ içün yolğa çıqtım,dere-tepeni keçip, Ayaz-babalar kelmezden mahaleñizge yetip. Biliñiz ki,evlatlarım,millet ürf ile yaşar, Öyle canlı,mert turar ki,bütün milletler şaşar. Öz til,adet,merasimni aman saqın unutma, Cat yalancı bayramlarğa, Millî ruhunu satma. Eger böyle tik turarsan,inan bir kün kelecek, Başqa halqlar bayramına sevinç-quvanç kirecek. Balalar şeñlik içinde şiir,türkü aytalar, Güzel bahşışlar ellerde ,yerlerine qaytalar. Öyle şen bayram oldu ki,körmegen inanmaz, Ahmet aqayımız keldimi Ded Morozğa yer qalmaz

Muhammed Ali Süleyman

Bir cevap yazın

E-posta hesabınız yayımlanmayacak. Gerekli alanlar * ile işaretlenmişlerdir

Pin It on Pinterest