Keriçte XIX asırlıq caminiñ minaresi ğayrıdan tiklendi

Keriçte XIX asırlıq caminiñ minaresi ğayrıdan tiklendi

Keriçte “Cuma cami” yanında minare quruldı. 33-mertlik inşaat qısqa müddet içinde – eki ayda yapıldı.
Keriçteki Cuma cami – şeerniñ esas müsulman ibadet inşaatıdır. Bina tarihiy-medeniy miras obyekti olaraq tanıldı. Cuma cami XIX asırda qurulğan edi.

Evel zamanlarda onıñ eki minaresi olğan. 1944 senesi qırımtatarlar sürgün etilgen soñ, mında kinoteatr, soñra ise kütüphane yerleşkendir. 1990-cı senelerniñ başında ise bina müsulmanlarğa qaytarıldı. Bugün cami bütünley ğayrıdan tiklenildi. O birden 300 insannı sığdıra bile.