Gülsüm Tamaq – Ana-Qırım | Текст песни

Uzaqta edim, Vatanım,
Senden ayrıldım, ah, canım.
Gözlerimden yaşlar aqa,
Yandım, yandım saña.

Ne güzelsiñ sen, ah, Qırım,
Ne dülbersiñ sen, Vatanım.
Gözlerimden yaşlar aqa,
Yandım, yandım saña.

İç vazgeçmem senden, Qırım,
Olsun mezarım dalğalarıñ.
Gene saña, yeşil ada,
Oqurım tekrar men dua.

Qırım, sen anamsıñ,
Qırım, sen babamsıñ.
Yüregimde, em de qanımdasıñ,
Sen canımsıñ, Qırım.

Ne dülbersiñ sen, ah, Qırım.
Sen baş yazım, em taqdirim.
Yurtum, bağça ve dağlarıñ,
Olsun, olsun mezarım.

Ölerim, ayrılmam senden,
Kimselerge seni vermem.
Ana-Qırım, aziz Qırım,
Ömürlik ayrılmam, canım.

vk.com/ctmusic

Еще Gülsüm Tamaq

https://pesni.guru

Pin It on Pinterest