Fevzi Yakubov 25.08.2019 künü saat 13:30 defin etilecek
Avgustnıñ 23-de 2019 senesi devamlı hastalıqtan soñ, Fevzi Yakubov keçindi. O, 82 yaşında edi.
Fevzi Yakuboviçnen vedalaşuv merasimi avgustnıñ 25-de saat 10:00-dan 11:00-ge qadar Qırım müendislik-pedagogika universitetindeki baş binanıñ foyyesinde keçirilecek.
Merhumnıñ cenaze namazı Kebir camide Aqmescit ş.Kurçatov soq., 4 adresi boyunca saat 12:00 qılınacaq.
Fevzi Yakubov “Abdal” merkeziy musulman mezarlığında saat 13:30 defin etilecek .
Fevzi Yakubov 1937 senesi noyabrniñ 10-da Qırım ASSR-niñ Aqmeçit rayonında dünyağa keldi. Taşkent Politehnik institutınıñ Mehanika fakültetinde oqudı. Fevzi Yakubov Tehnik ilimler doktorı, Qırım ilimler akademiyasınıñ azası, 1993-2016 seneleri Qırım müendislik-pedagogika universitetınıñ rektorı edi. 2016 senesinden ise QMPU prezidenti oldı. 2018 senesiniñ küzünde Qırım Cumhuriyetiniñ Devlet Şurası tarafından Fevzi Yakuboviçke “Qırım cumhuriyetiniñ şerefli vatandaşı” unvanı beridi.
Allah rahmet eylesin.
