Ən şərəfli Əsgər bizim əsgərdi – Tofiq Əmrahov

Ən şərəfli Əsgər bizim əsgərdi

Ürəyində vətən ruhunda qirur ,
Quş qona bilməyən qayada durur,
Torpağı qoruyur düşməni vurur,
Haqqı var eyliyən gücdür hünərdir.
Ən şərəfli Əsgər bizim Əsgərdir.

Qoruyar xalqını yada güldürməz,
Özü həda olar yurdu böldürməz ,
Döyüşməyən qoca uşaq öldürməz ,
Dini İslamdır yolu Peyğəmbərdir,
Ən şərəfli Əsgər bizim Əsgərdir.

Kim düşmən kəsilib yolunu azır,
Mərmisi onların qəbrini qazır ,
Tarixi canıyla – qanıyla yazır,
Milləti qoruyan dagdır sipərdir .
Ən şərəfli Əsgər bizim Əsgərdir.

Qəlbində Xocalı yanğısı qaldı ,
Gördükü dərdinə bu dünya laldı,
İntiqamlarını Şuşada aldı,
Döyüşü savaşı böyük zəfərdir ,
Ən şərəfli Əsgər bizim Əsgərdir

Nişan alan zaman çox dur səbiri,
Düşmən hədəfinnən qaçmayıb diri,
Göylərin qartalı yerlərin şiri
Olduğuna görə o Müzəffərdir .
Ən şərəfli Əsgər bizim Əsgərdir

Sülh üçün döyüşər zalım yaşatmaz,
Haqqı ədaləti yerlərə atmaz,
Andını unutmaz Vətəni satmaz ,
Namuslu qeyrətli ər oğlu əridir .
Ən şərəfli Əsgər bizim Əsgərdir

Onlarsız dünya başımıza dardı,
Bizim boynumuzda haqları vardı ,
Hər günü yağışdı doludu qardı ,
Yeri dağlar başı soyuq səngərdir,
Ən şərəfli Əsgər bizim Əsgərdir.

Akifəm ən əziz torpağımızdır ,
Azadlıq sönməyən ocagımızdır ,
Biz öləndə kəfən bayragımızdır,
Bizim Şəhidimiz üstün bəşərdir.
Ən şərəfli Əsgər bizim Əsgərdir .

Akif Goranboylu