Dünyanıñ tamır halqları halqara künü munasebeti ile Ukraina Prezidentiniñ beyanatı

‘‘Bügün, arman ayı (avgust) 9 künü, bütün dünya BMT-nıñ teşebbüsi ile Dünyanıñ tamır halqları halqara kününi qayd ete. Ve Ukraina içün bu kün rusiye işğali şaraitlerinde basqı ve qıynavlar altında yaşağan qırımtatar halqınıñ vaziyeti aqqında daa bir hatırlavdır’’, – dep qayd etti Petro Poroşenko.

O, Ukraina Qırımnıñ işğalden azat etilüvi ve qırımtatar halqınıñ aq-uquqları ve serbestlikleri içün küreşmege devam etkenini hatırlattı. ‘‘Qırım meselesi boyunca bir de bir bazarlıqnı toqtatmaq maqsadınen diplomatlarğa BMT Baş assambleyasınıñ nevbetteki sessiyasına Qırım boyunca yañı rezölütsiyanı azırlamağa avale ettim. Baş assambleya Ukrainanıñ mevamına ve bu cümleden, qırımtatarlarnıñ aq-uquqlarını bozuv aqqında beyanatlarına endi bir qaç kere qol tutqan edi, onuñ içün, medeniy dünyanıñ fikiri iç deñişmey: ‘‘Qırım – Ukrainadır’’. Ve biz, tamır halqı qırımtatarlarnıñ, öz ecdatlarınıñ ananelerini serbest ukrain Qırımda inkişaf etmelerini yaqınlaştırmaq içün qolumızdan kelgenini yapmağa devam etermiz’’, – dep qayd etti devletimizniñ başlığı

Bir cevap yazın

E-posta hesabınız yayımlanmayacak. Gerekli alanlar * ile işaretlenmişlerdir

Pin It on Pinterest