GenelGüncelKırım TarihiKültür SanatTürk Dünyası

Dünya Qırımtatar Dernek Başqanı Mustafa Sarıqamış can-yürekten Qırımtatar Bayraq Kününü hayırlay!

Dünya Qırımtatar Dernek Başqanı Mustafa Sarıqamış can-yürekten Qırımtatar Bayraq Kününü hayırlay!

İYÜN 26 QIRIMTATAR BAYRAĞI KÜNÜ

Qırımtatar bayrağı –mavı tüste altın tamğalı bayraq (Qırım hanlığı devletçiliginde Geraylar sülâesiniñ tümsali). İlk kere bayraq qırımtatar halqı Qurultayınen 1917 sene Rusiyede fevral inqilâbından soñ qabul etildi, milliy kibi ise 1991 sene iyün 31 künü Qurultay ekinci çağıruvınen tasdıqlanğan. 2010 sene iyün 26-dan qırımtatarlarnen Milliy Bayraq künü kibi qayd etile. 2012 sene iyül 22-de 5 çağıruv Qurultayı Milliy Mecliske 6 çağıruv Qurultayına Qırımtatar halqınıñ milliy bayrağı aqqında qaide işlep çıqarıp bermege avale etti.

Qırımtatar resurs merkeziniñ kollektivi can-yürekten Qırımtatar Bayraq Kününen hayırlay!

Bu -tamır halqnıñ öz serbestligi ve haqları oğrunda dava ve boysunmamazlıq temsilidir.

Qırımtatar bayrağı kök tüste, sol köşesinde altın tamğası olğan bir kumaçtır. Açıq mavı kök tüsü- türk halqlarnıñ adetiy tüslerden, Qırım hanlığınıñ bayraqlarında qullanılğan renk olıp, temizlik, serbestlik, adalet ve sadıqlıq, kemal ve küçniñ timsali ola.

Tamğa ise hakimiyet timsali olıp, mühür, imza kibi tercime etile. Taraq- Qırım hanlığı hakimiyetiniñ timlası edi. İşaret Giraylar sülãlesiniñ timsal variantlarından birini tekrarlağan T arifine oşağan şekilden ibarettir. Tamğanı farqlı ifadeleyler: kökte uçqan şahinni añdıra; başqa fikirge köre, tamğa- barışıqlıq, bir-birini hürmet etüv, teñlik, adalet temsili olğan terazedir. Fikirlerniñ farqlığı sülãle temsillerinen bağlı ola bilir. Qırım hanlığı vaqtında her aileniñ tamğası farqlı edi.

1917 senesi qırımtatar bayrağı qırımtatarlarnıñ 1 Qurultayında tasdiqlanılğan edi.

1991 senesi 30 iyün künü II qırımtatar Qurultayınıñ qararı ile bayraq milliy bayraq olaraq qabul olundı. Asılında bayrağımız Qırımda öz halqınen birlikte yañıdan tiklenmege başladı, çünki farqlı devirlerde basqı altında qalğan edi: 1929 senesi kommunistler kelgeninen kök bayrağımız ‘burjua-milletçi’ olaraq tanılıp, yasaq etildi. Sürgünlik yerlerinde 1944 seneleri bayraqnı saqlamağa havflı edi. 1970-80 seneleri qırımtatarlarnıñ büyük qısmı öz bayraqları olğanını bilmey ediler. 18 mayıs künü faalliler matem bayraqlarını gizlider yükseklikke köterip asa ediler. Böyle etip, adamlar 1944 senesi 18 mayıs künü sürgünlikke öz narazılığını kösterip, qurbanlarnıñ hatırasını aña ediler.

Qırımtatar gençler merkezi ve diger gençler teşkilãtlarınıñ teşebbüsi ile 2010 senesi 26 iyün künü qırımtatarlar ilk sefer qırımtatar bayraq kününi qayd ettiler.

2010 senesi 29 avgust künü V Qırımtatar Qurultayınıñ III sessiyasında milliy bayraq kününi 26 iyünde, II Qurultaynıñ açılış künü qayd etmege qarar alındı.

Kırım'ın Sesi Gazetesi

27 Şubat 2015 Tarihinde hizmet bermege başlağan www.kiriminsesigazetesi.com maqsadı akkında açıklama yapqan Mustafa Sarıkamış İsmail Bey Gaspıralı’nıñ bu büyük mirasına sahip çıqmaq ve onun emellerini yaşatmaqtır. Qırımtatar Türkleriniñ ananevî, körenek, ürf, adet kibi yaşamlarında ne bar ise objektif şekilde Dünya cemiyetine taqdim etilmektir.

Pin It on Pinterest