Dünya Qırımtatar Derneği Qalay medresesiniñ eñ güzel talebeleri taqdirlendi

Dünya Qırımtatar Derneği, Qırım Müftiliği İmam Maturidiy adına Qalay islâmiy ilimler medresesiniñ qızlar bölüginde İslâm temelleri boyunca musabaqa olıp keçti, yarışnı medrese ocası Meryem Suleymanova teşkil etti.

Talebeler beş taqımğa bölüngen ediler: “Gül”, “Bereket”, “Ferfella”, “Elmaz”. Er bir taqımda beşer talebe yarıştı.
İntellektual oyunğa medreseniñ tecribeli ocaları qıymet kesti: Meryem Mujdabayeva, Azize Saydametova, Ayşe Lümanova. Jüri azalarınıñ sözlerine köre, er bir taqım ğalebege lâyıq edi, amma bu oyundır ve onıñ ğalibi belgilenmek kerek.

Yarış neticesinde birinci yerni “Elmaz” taqımı aldı. “Gül” taqımınıñ qızları ekinci yerni qazandı, üçünci yerge ise, “Hazine” taqımı nail oldı.

Pin It on Pinterest