Dünya Qırım Tatar Dernekleri Başqanı Mustafa Sarıqamış, 21 Şubat – Dünya Ana Tili Künü münasebeti ile Qırımtatar ana tiliniñ bayramını samimiyetten hayırlayım.
21 Şubat – Dünya Ana Tili Künü Münasebeti ile
Dünya Qırım Tatar Dernekleri Başqanı olaraq, 21 Şubat – Dünya Ana Tili Künü münasebeti ile Qırımtatar ana tiliniñ bayramını samimiyetten hayırlayım.
Ana tili – bir milletniñ kimligini, tarihını, medeniyetini ve ruhiy mirasını taşıyıcı eñ mühim temeldir. Qırımtatar tili de asırlar boyunca halqımıznıñ hafızasını, edebiyatını, dinî ve millî degerlerini muhafaza etken mukaddes bir mirastır. Ne mutlu bizge ki böyle latif, bülbül kibi nağmeli ana tilimiz bar. Lâkin mesele tek sahip olmaq degil, belki onuñ tolusu ile yaşatılması ve gelecek nesillere sağlam şekilde aktarılmasıdır.
Psiholinguistik araştırmalar körsete ki, bala ana qarnından başlayıp eşitken ses ve til unsurlarını hafızasında saqlay. Bu sebepten til terbiyesi doğumdan soñ degil, belki ana qarnında başlanmağa kerek. Erken yaşta alınğan til terbiyesi şahsiyetniñ teşekkülinde mühim rol oynay.
Malûmdır ki milletimiz tarih boyunca sürgünler, baskılar ve zorluqlar neticesinde ana tiliniñ zayıflaması tehlükesi ile qarşı-qarşıya qaldı. Bir devirler Qırımtatar tili cemiyet hayatından sıqıştırılğan, nesiller arasında tabiî aktarım kesintige uğrağan edi. Amma şükürler olsun ki bugün milliy şuur ve mesuliyet duygusu daha da kuvvetlenmekte, ana tilimizge berilgen qıymet artmaqta.
Ana tilini bilmek bir “moda” yahut geçici bir temayül degildir. Bu, millî varoluşnıñ tabiî norması ve her künlük hayatnıñ zaruriyetidir. Milletniñ mentaliteti eñ başta dinî ve ahlâqiy degerlerinde, soñra ise tilinde tezahür ete. İnsan ecnebî tillerni bilse elbette faydalıdır; lâkin hangi tilde fikir yürütse, hansı tilde duyğularını ifade etse, şol til onuñ kimligini tayin ete.
Eger biz özümüzni halq olaraq hürmet etsek, millî kimligimizni qorumağa mecburmız. Çünki til – milletniñ varlıq şertidir. Til zayıflasa, millet de zamanla zayıflay; til yoq olsa, millî mevcudiyet tehlükesi doğa. Qırımtatar halqı ise tarih boyunca direnişni, sabırnı ve çalışma azmini körsetken bir millettir. Bu itibar ile ana tilimizni sevip, sayıp, ilmiy, medeniy ve ictimaî sahalarda inkişaf ettirip, Vatanımızda ve diasporada ebediy yaşatmaq boynumuznıñ borcudur.
21 Şubat Dünya Ana Tili Künü vesilesi ile bütün qıymetli milletimizni tebrik ete, ana tilimizniñ nesilden nesilge kuvvetlenerek devam etmesini temenni ete.
ANA TİLİ – MİLLETNİÑ RUHU VE VARLIQ TEMELİ
21 Şubat Dünya Ana Tili Künü münasebeti ile Qırımtatar tiliniñ ehemmiyeti ve milliy kimlikteki yeri üzerine
21 Şubat – Dünya Ana Tili Künü münasebeti ile Qırımtatar ana tilimizniñ bayramını büyük iftihar ve mesuliyet duygusu ile qayd etemiz. Ana tili bir milletniñ sade iletişim vasıtası degil, belki tarihını, medeniyetini, inancını ve ruhiy dünyasını taşıyıcı temel hazinesidir.
Qırımtatar tili asırlar boyunca halqımıznıñ hafızasını muhafaza etken, edebiyatını, destanlarını, dualarını ve ağıtlarını nesilden nesilge aktarğan mukaddes bir mirastır. Ne mutlu bizge ki böyle nağmeli, zengin ve latif bir ana tilimiz bar. Lâkin mesele tek sahip olmaq degil; mesele onuñ yaşayışı, inkişafı ve gelecek nesillere sağlam şekilde teslim etilmesidir.
Psiholinguistik araştırmalar körsete ki bala ana qarnından itibaren eşitken sesleri ve til unsurlarını hafızasında saqlay. Bu sebepten til terbiyesi doğumdan soñ degil, belki ana qarnında başlanmağa kerek. Aile içindeki til muhiti, milliy kimlikniñ teşekkülünde mühim rol oynay.
Malûmdır ki milletimiz tarih boyunca sürgünler, baskılar ve asimilâsiya siyasetleri neticesinde ana tiliniñ zayıflaması tehlükesi ile qarşılaştı. Bir devirler tilimiz cemiyet hayatından sıqıştırıldı, tabiî aktarım zayıfladı. Amma şükürler olsun ki bugün milliy şuur artmaqta, ana tilimizge berilgen qıymet kuvvetlenmekte.
Ana tilini bilmek bir moda degildir; bu, milliy varoluşnıñ tabiî normasıdır. Milletniñ mentaliteti eñ başta dinî ve ahlâqiy degerlerinde, soñra ise tilinde tezahür ete. İnsan ecnebî tillerni bilse pek faydalıdır; lâkin hansı tilde düşünse, hansı tilde hiss etse, şol til onuñ kimligini belirley.
Eger biz özümüzni halq olaraq hürmet etsek, kimligimizni qorumağa mecburmız. Çünki til zayıflasa millet zayıflay; til yoq olsa milliy mevcudiyet tehlükesi doğa. Qırımtatar halqı ise tarih boyunca tirenmege, çalışmağa ve öz varlığını saqlamağa bilgen bir millettir.
Bu sebepten ana tilimizni sevip, sayıp, ailede, mektepte, cemiyette ve medyada yaşatmaq boynumuznıñ borcudur. Tilimizni Vatanımızda da, diasporada da ebediy yaşatmaq milliy vazifemizdir.
21 Şubat Dünya Ana Tili Künü bütün milletimizge hayırlı olsun.
Mustafa Sarıqamış
Dünya Qırım Tatar Dernekleri Başqanı
