Dünya Qırım Tatar Derneğinin Hayırlı İşleri Yaňı Dünya gazetasında

RAMAZAN AYINDA HAYIRLI İŞLER

Dünya qırımtatar dernegi (Türkiye) ve Qırım musulmanları diniy idaresi, evelki yıllarda olğanı kibi, bu sene de mubarek Ramazan ayında Qırımda muhtaclar semetdeşlerimzge erzaq qutularını darqatmağa devam ete.

“Sizler içün biz o yerdemiz, sizler içün biz Qırımdamız” şiarınen hayırlı işler yapqan Dünya qırımtatar derneginiñ reisi Mustafa Sarıqamış: “Qırım Müftiyatınen ananeviy aktsiyamıznı bu sene de ömürge keçiremiz. Ramazan birlik, beraberlik, paylaşma ayıdır. Dünya koronavirus sebebinden qıyın zamanlardan keçe. Qırımda hronik hastalar, ihtiyarlar ve muhtaclarğa elimizden kelgeni qadar yardım etmege tırışamız”, – dedi.

Dünya qırımtatar derneginiñ eyilik kervanı Qırım musulmanları diniy idaresiniñ qoltutuvınen yarımadanıñ çeşit yerlerine barıp çıqa. Erzaq qutularını (içinde eñ zarur aşayt malları bar) alğan semetdeşlerimiz Türkiyeden yardım elini uzatqanlarğa minnetdarlıq bildireler.

Mubarek ayda hayırlı işler yapqan er bir soydaşımızdan Haq-Taalâ razı olsun, eyiliklerine qaytarsın!

Ayedin YAŞAR

“Yañı dünya” gazetası (Qırım, Aqmescit ş.)

“Yañı dünya” №14(1656) 15.04.2022

Pin It on Pinterest