Aytır da Cılarman

Kırım Savaşı’ndan sonra Rus baskısının şiddetlenmesi Kırım’dan Osmanlı topraklarına olan göç dalgasını hızlandırır. Bu ağıt da vatanda kalan Kırım Tatarları tarafından karşıya akanlar için yazılmış

Deñizden de çıqqan bir bulut,ey,yar,
Kezlevge de cavgan.
Aytır da cılarman.
Qırımın da halqı musulman,ey,yar,
Qarşıga da avgan.
Aytır da cılarman.

*****

Esten çıqmay Qırımnıñ,ey,yar,
Ciyını da toyu.
Aytır da cılarman.
Cav elinde davrükken,ey,yar,
Cılqısı da,qoyu.
Aytır da cılarman.

*****

Tögerek çeti qamıştan,ey,yar,
Töpesi de taldan.
Aytır da cılarman.
Kimisi candan ayrılgan,ey,yar,
Kimisi de maldan.
Aytır da cılarman.

*****

Padişa ta bergen eki oguz,ey,yar,
Kyah..desem curmez!
Aytır da cılarman.
Qırıldıq,bittik,qalmadıq,ey,yar,
Aytmaqnen bitmez
Aytır da cılarman.

*****

Ketecekmiz Qırımdan,ey,yar,
Davulsız toyday.
Aytır da cılarman.
Kop soyumız qalacaq,ey,yar,
Mañraşqan qoyday.
Aytır da cılarman.

*****

Stambul,Kabe qıblada,ey,yar,
Deñizi sırtta.
Aytır da cılarman.
Kop olümız qalacaq,ey,yar,
Harabi curtta.
Aytır da cılarman.

*****

Deñizden de çıqqan bir qara,ey,yar,
Gemimi eken?
Aytır da cılarman.
Qırımda qalgan anayım,ey,yar,
Kelemi eken?
Aytır da cılarman.

*****

Biz ketermiz Qırımdan,ey,yar,
İttifaq olıp.
Aytır da cılarman.
Ne yerlerde olürmiz,ey,yar,
Ahler çekip!
Aytır da cılarman.

*****

Musulmanlar magraşa,ey,yar,
”Vetan”-deyu,
Aytır da cılarman.
Analarmız cılaşa,ey,yar,
”Curtım”-deyu.
Aytır da cılarman.

*****

Gurbet ellerge tüşip,ey,yar,
Qıynaşırmız!
Aytır da cılarman.
”Vetan,Vetan”-deyu biz,ey,yar,
Can berirmiz.
Aytır da cılarman.

Bir cevap yazın

E-posta hesabınız yayımlanmayacak. Gerekli alanlar * ile işaretlenmişlerdir

Pin It on Pinterest