Türk dünyasında at, azatlıqnıñ, sadıqlıqnıñ, şerefnıñ, quvetniñ ve asaletniñ remzidir.

Türk dünyasında at, sade bir minüv hayvanı degil, medeniyet qurğan muqaddes unsurlardan biridir. Türk kültürinde at  azatlıqnıñ, sadıqlıqnıñ, şerefnıñ, quvetniñ ve asaletniñ remzidir. Bozqır medeniyetiniñ asası insan ile at arasındaki ebediy bağdır. Şu sebepnen tarihçiler Türk medeniyetini “Atlı bozqır medeniyeti” dep ataylar.

Qadim Türklerde bala yürümeden evel atqa minmege ögrengen dep aytıla. Çünki at yalnız yol seriş vasıtası degil, hayatnıñ ayrılmaz parçası edi. Hunlardan Göktürklerge, Qıpçaqlardan Qırım Hanlığına qadar at, devlet qudratini ve ordunıñ süratini belgilegen.

Bo şu sebepten eski söz bar: At erniñ qanadı. At yiğitniñ qanadı Bu söz atnıñ sade degil, belki taqdir yoldaşı olğanını körsete.Destanlarda qahraman ile at ayrılmazdır: Alpamışnıñ Bayşubarı,, Manasnıñ Aqqulası,,
Edigeniñ tulparı, bular sade at degil, aqıl bergen, sahibini qutqarğan dostlardır. Bu Türk tefekkürinde atnıñ canlı silâh degil, ruhdaş olaraq qabul etilgenini körsete.

Qırım Tatar halkında atnıñ mevqii pek yüksektir. Bozqır Qırım hayatında atçılıq yaşayışnıñ temel direklerinden biri edi. Qırım Hanlığı devrinde süvari teşkilâtı bütün Avrupada meşhur olğan. Qırım Tatar cigitleri at üstünde sürat ve maharet ile tanılğanlar. At yalnız cenk içün degil, toyda, avda, gündelik yaşayışta da bar edi.
Qırım Tatar sözü bar: At erniñ yoldaşıdır. Bu söz atnıñ sadıq dost olaraq qabul etilgenini bildirir.

Ölümde Bile Sadıqlıq

Eski Türklerde savaşçılar bazen atlarınen beraber defn etilgen. Bu, öte dünyada da at yoldaş olacaq degen inanıştan kelir. Şu manada at cenkte yoldaş, köçte sırdaş, tınçlıqta bereket, ölümde refiqtir.

Bu atnı sıradan hayvandan muqaddes dosta çevire. Türk sanatında at motifi hareket, fetih, kut ve ruh quvetini temsil ete. Halılarda, mezar taşlarında, destanlarda at remzi pek körüne. Çünki at Türkniñ tabiatnen azat yaşavınıñ remzidir.

At üstündeki Türk yalnız cenkçi degil, ufıqlarğa ketken medeniyet qurucısıdır.

At Türk içün sade hayvan degil kutlu yoldaş, azatlıq ruhı, erlik nişanıdır. Türk tarihiniñ böyük yürüyüşi at sırtında olğan. Şu sebepten at, Türkniñ en muqaddes motiflerinden biridir.
At Türkniñ azatlıq ruhı, şeref remzi ve ebediy yoldaşıdır.

Türk milleti içün at; sadaqatnıñ, hürriyetniñ ve şerefniñ canlı timsalidir. Cenklerde yoldaş, köçlerde sırdaş, atta ölümde bile sahibini terk etmegen muqaddes bir dosttur. Bizim medeniyetimizde at, murattır.