KÖZLERİNGDE…

KÖZLERİNGDE…

Közleringde – menim sıluv dunıyam.
Közleringde- menim savlay yaşavım.
Közleringde- suyinişim em yaram,
Közleringe karaladı talabım.

Közleringde – adaskanday bolaman-
Kayık bolıp, men üzgendey işinde.
Tengiz suvı tenglespeydi olar man,
Syrtilmeek suvreti men esimde.

Közleringde- yarasıklı aspanım,
Üldızları yanadılar erekte.
Közlerim men sırlarımdı basladım-
Bir de olar şıkpas menim sözimde.

Közlerimde yaynar edi şolliging-
Şeşekeyler suyinişin savkatlap.
Eger meni kabıl etse üreging-
Barar edim yalang ayak taraplap…

ВЕНЕРА ЛУКМАНОВА.

КОЬЗЛЕРИНЪДЕ

Коьзлеринъде- меним сылув дуныям.
Коьзлеринъде- меним савлай яшавым.
Коьзлеринъде- суьйинишим эм ярам.
Коьзлеринъе- каралады талабым.

Коьзлеринъде адаскандай боламан-
Кайык болып мен юзгендей ишинде.
Тенъиз сувы теньлеспейди олар ман,
Суьртилмеек суьврети мен эсимде.

Коьзлеринъде- ярасыклы аспаным,
Юлдызлары янадылар эректе.
Коьзлерим мен сырларымды баслайым-
Бир де олар шыкпас меним соьзимде.

Коьзлеримде яйнар эди шоьллигинъ,
Шешекейлер суьйинишин савкатлап,
Эгер мени кабыл этсе юрегинъ-
Барар эдим яланъ аяк тараплап…