QIRIMTATAR DESTANI
Kara Denız,Kara Denız, Senı süygen ecdadımız .
Kırım degen Cürt kunagın
Saldık tarihlerge altın.
Giray adlı meşhur hanlar
Dunya tarihınde barlar.
Karpatlarda ot otlatıp,
Tuna ustu kayık salıp,
Tatar kolı bolgan denız !
Yedi yüznun otuzunda
BilgeKağan tarih yaza
Otuz tatar,dokuz tatar,
Yetmış binden kabile bar.
Kaşgarlının kitabında
Alaymızga turk dep ayta.
Thomsen,Pittard bıznı yazgan
Deşt-i Kıpçak ad salıngan.
Ta kaş yerde hanlık kurgan.
Destan,gazel,ana tılı yarata,
Putun millet şın aytmaknı uydura.
Oz tılımde milli durku şalaman
Ayu Taudan ,Yalta’gada baraman.
Medresege zıncır sala Giray – han
Tercüman’nı Gaspirali şıgargan.
Tabiyat,bılgı,ornek bolup aytılgan.
Onuşuncü asırlarda tılımız bek tanılgan,
Kırımtatar edebiyatı o zamanda kurulgan.
Kırım,Kırım,Yeşıl Ada,
Şiir yazgan han sarayda.
Kazan,Kırım ve Astrahan
Altın Ordu dep aytılgan.
Yarım dunya onkı bolgan
Altın Ordu Devlet kurgan…
At koşısı,kureş,bayram,
Tatarlardan dunya korkkan.
Dokuz tatar şay cayılgan !
Eskı Kırım,Bakçesaray,
Al kelyatır bızım alay !
Butun dunya oga karay !
Ustundekı zırk caltıray,
Atı şabışmadan turmay,
Ya Akmesçıt,Yalta, Kezleu
Koy,kasaba,Tanrı tızeu.
Kalkımızın colı kolay,
Dunya şımdı bızge karay !
Bırlık millet şay keneşe,
Altın Ordı Çın’ge cete !
Kırım,Kazan ve Astrahan,
Moskova’ga korkı salgan.
Devlet Giray ot cakkanda,
Moskova’nı korkıtkanda,
Toban canıp atlaganda…
Ekı cenknın arasında
Medresenı han aştıra !
Şeer ose,kasabalar,
Koyler yasay bayram toylar !
Camı,şeşme,mektep aşa,
Tatar kalkı okup arta.
Sayalmaymız asırlarnı,
Etraf millet artta kaldı…
Barış bola,anlaşmalar,
Cenkte zafer kazanalar!
Ay tatarlar,ay tatarlar!
Polon,leton,asker ala,
Moldova’ga Ştefan şakıra !
Tatarlarman zafer bola !
“Cenılmegen” dep aytıla !
Parıs,Viena,korkı tuya !
Pomeşikler koy toplaylar, .
Fakir tatar şay cılaylar,
Azamatlar ete yardım,
Kırım pıte,pıte Kırım !
Bin yedı yüz seksen uşte
Şahingiray tahttan tuşe.
Potemkinler kılıştan geşıre
Caş tatarlar kılıştan geşe.
Şeer sone,kasabalar,
Cürttan kaşa,vay,tatarlar !
Hak,hüriyet alınganda,
Namus,tarla,satılganda,
Kayda kaşsın millet,kayda ?
Dobruca’ga yerleştıler
Turkiye’ge kop kettıler !
Putun dunya kordı bonı,
Acımadı…acımadı…
Dobruca’nın koylerınde,
Kırım dertı otmeklıkte
Tatar bekliy kurtuluşnu
Oz Vatanga kavuşunu
Şo Kırım’da bayram kunu!
Bin sekız yüz yetmış sekız,
Turkiye’ge ta koşemız !
Bin dokuz yüz onekıde,
Tatar koşe,koşe kene !
“Zengın bolsan,bo dunyada,
Uş koşude pıter para !
Degen ata sozu bızge !
Koşmelermen millet uzule,uzule
Cıgıtlerımız marebege …şehitlıkke…
Onsekız May ‘ kırk dortunde
Tatar kalkı vay,surgunde !
Putun millet surgun bola,
Şo Kırım’dan tatar cöytıla !
Oz kulunden tırılgen kuş
Milletımız boldı sonsuz !
Bırleştırdı bıznı surgun,
Kaytıp keldık epmız bugun !
Vatanımız bızım Kırım ! .
Dobruca’da bugun kene tatar bar !
Vatan cölun karap adım atalar !
O balaban Turkiye’de bar kop tatar
Sınırların aşılmasın olar beklep turalar !
Tarı bızdiy şaşılgandır armanga
Bekliycekmız kaytu kunun Vatanga !
Bıznı Vatan cöytmayım dep şakıra,
Şehitlerın yıldızları kok ustunde cayıla
Vatan bekliy tatarlarnı,bıznı Vatan arzıla !
Güner Akmolla 30 Ağustos 2008 ; Tekfürköy , Romanya
