VƏTƏN – Aysel Aliyeva

VƏTƏN

Ömrümə ələnən ilahi nursan,

Ana laylası tək qəlbə dolursan.

Yamyaşıl geyinmiş gəlin olursan,

Bir özgə aləmdir baharın, Vətən.

**

Nəğməyə bələnib gözəl çağların,

Ərən oylağıdır uca dağların.

Könüllər oxşayır barlı bağların,

Ümid ətirlidir yolların, Vətən.

**

Aysel, bu torpaqda halallıq ara,

Zirvələr heykəldir namusa, ara.

Sənin sorağına gələn dostlara,

Sevinclə açılır qolların, Vətən.