GenelGüncelKültür Sanat

UNUTMA !..

Çoqtan berli, oğlum, sana
İster edim anlatmağa.
Doğru yollar, bilem, ararsın sen.
Qayda ketsen, qaydan qaytsan,
Altın Saray ya çalaşta yatsan,
Unutma tek – QIRIMTATARSIN sen!

*****

Keçer kunler, keçer yıllar,
Açar guller, aqar suvlar.
Kuneş kibi doğar, batarsın sen.
Unutırsın ateş, buznı,
Qatqan otmek ve mubarek tuznı.
Unutma tek – QIRIMTATARSIN sen!

*****

Dünya sana başın eger,
Duşman ve dost qolun oper.
Cennet yolun barıp taparsın sen.
İstesen, oğlum, meni unut,
Koknı yaqıp denizlerni qurut.
Unutma tek – QIRIMTATARSIN sen!

*****

Menim oğlum, Tatar adı
Dedelerden bizge qaldı.
Bayraq kibi koter kokke onı.
Şehit ketken atalarnın ve
Kelecek butün evlatlarnın
Aşqı içün – UNUTMA sen bunu!

*****

Yunus QANDIM,
Qırım.

Kırım'ın Sesi Gazetesi

27 Şubat 2015 Tarihinde hizmet bermege başlağan www.kiriminsesigazetesi.com maqsadı akkında açıklama yapqan Mustafa Sarıkamış İsmail Bey Gaspıralı’nıñ bu büyük mirasına sahip çıqmaq ve onun emellerini yaşatmaqtır. Qırımtatar Türkleriniñ ananevî, körenek, ürf, adet kibi yaşamlarında ne bar ise objektif şekilde Dünya cemiyetine taqdim etilmektir.

Pin It on Pinterest