Ukrainada deñiz uquqını qullanuv boyunca muzakere
2018 senesi boş ay (noyabr) 16 künü Ukraina Prezidentiniñ Qırım MC Temsilciligindeki halqara alâqalar hızmetiniñ baş mesleatçısı Valeriya Pahomova memurlarnıñ, alimlerniñ ve ekspertlerniñ halqara deñiz uquqı boyunca mütehassıs, Yokogama universitetiniñ dotsenti Makoto Seta ile körüşüvlerinde iştirak etti.
‘‘Okeanlarda uquq üstünligi: yapon alimlerniñ baqışı’’ mevzusında munaqaşa devamında Asiyada deñiz sıñırlarnı deñiştirüv esnasında olıp keçken davalarnıñ halqara deñiz uquqı aletleri vastasınen uyğulanuv tecribesi ve Ukraina içün onıñ emiyeti muzakere etildi.
