Ukraina ükümeti Qırımnı informatsion ceetten ğayrıdan integratsiya etüv strategiyasını tasdıqladı

2018 senesi ilk qış (dekabr) ayı 27 künü Ukraina Nazirler Şurası öz toplaşuvında Qırım Muhtar Cumhuriyetini ve Aqyar şeerini informatsion ceetten ğayrıdan integratsiya etüv strategiyasınıñ qabul etilüvi aqqında qararını tasdıqladı.

Strategiyanıñ maqsadı – Qırımnı informatsion ceetten ğayrıdan integratsiya etüv, Ukraina topraq bütünliginiñ qayrıdan tiklenüvi içün şaraitler yaratuv, işğal etilgen topraqlarda informatsion vastaları yardımınen insan aqlarınıñ qorçalanmasına qol tutuvdır.

Strategiya Qırım boyunca devlet informatsion siyasetini bir aqızdan printsipine riayet eterek yerine ketirmege kerek olğanını ilân ete.

Strategiya işğal etilgen yarımadanıñ sakinleri, Ukrainanıñ qıtaiy qısımınıñ sakinleri, çetelde yaşağanlar olaraq üç büyük gruppağa yönetile.

Mütenasip vesiqanı Ukraina haber siyaseti Nazirligi azırladı.

Bir cevap yazın

E-posta hesabınız yayımlanmayacak.

Pin It on Pinterest