Tatarlarnıñ sevgen aşı

Tatarlarnıñ sevgen aşı-çibirek, 
Çibireksiz bayramları pek siyrek, 
Lezetlidir burması, köbetesi, 
Atta yağsız pişken takos pitesi.

*****

Tatarlarnıñ sevgen aşı-tataraş, 
Aşır ayda mıtlaq olur aşır-aş, 
Sofrasında bitmek bilmez sarması, 
Sarmasınen yan-yanaşa dolması.

*****

Tatarlarnıñ sevgen aşı-ufaq-aş, 
Bazıları derler oña küftelaş, 
Daa bar bir adı onıñ-qaşıqaş, 
Cennette de yeqtır deyler böyle aş.

*****

Tatarlarnıñ sevgen aşı-qatlama, 
Sarımsaqlı ötmekten soñ bir yazma, 
Qurabiye, şeker-qıyıq, pelveze, 
Lâkin tatar içer başta bir qave.

*****

Tatarlarnıñ sevgen aşı-pilâvdır, 
Yigitlerni canlandırğan kebapır, 
Aşağan soñ oy da güzel bir hoşaf, 
Tariflenmez çay başında olğan laf.

*****

Tatarlarnıñ aşı-iç bitmez, 
Şerbetini maqtamağa sez yetmez, 
Tatar aşar em maqarne, em laqşa, 
Bu aşlarnı sen de aşap, biñ yaşa! 

*****
S. Üseinov

MEMBA :vk.com/ctmusic
Другие тексты песен “Balalar”