TATAR BARMI DEP SORAGANLARGA

Tatar bar mı dep kim soray ? Men barman.
Atın sanın bek tanığan yaş tatarman.
Türkten özge tuvğanım yoq dünyada.
Türkniñ özi, öz kardaşı Çoñğarman.

*****
Millet atım Türk bolsa da, tarihte
Şanlı atım Tatar, şay dep yazarman.
Öz teregin begenmegen soysuzlarğa
Gür davuşman : Kerekmiysiz! dep aytarman.

*****
Kelgen keçken hanlıqlarnı, barlıqlarnı
Yoqtır, degen qansızlarğa cav bolarman.
Sav bol, arüv millet! Bugün yuqlasañ da,
Köz yaşımman betiñ sıypap men yantarman.

*****
Talq bolsaq ta, halq qatında şöhretiñ bar,
Kün körersín sen de halqtay itibarman.
Men körmesem savlığımda bunday künler,
Mezarımda : Tatar qayday ? dep sorarman.

*****
Tatar qayday ? dep sorarman mezarımdan.
Alalmasam yahşı cevap, ah!…Cılarman.

Mehmet Niyazi
Sağış,
1931 Pazarcık