SÖNME, YILDIZ !

Masum yıldız, dertli yıldız sönmey tur!
Sönme, yıldız, azaçıq yal alayıq.
Belki artıq küneş doğar, sönmey tur!
Sönme, yıldız, yolumuznu bulayıq.

Dertli yıldız, men de, men de dertliyim,
Sen sönersen, dert ortağın qalacaq.
Sen sönersen, yıldız, menim gönlüme
Gece-kündüz qaranlıqlar dalacaq.

Bizden başqa barmı dersin, ey yıldız,
Gece doğup yer yüzünü kormegen?
Bizden başqa barmı dersin, ey yıldız,
Cefa korüp, yer sefasın sürmegen?

1944.

Eserlerinin er bir satırı Vatan sevgisi ve asretlik ile tolu, ömür boyu Qırımnı uzaqtan sevgen ve son nefesinece yüreğinde yaşatqan insan, roman ve şiirleri ile Vatanını ve milletini dünyağa tanıtqan yazıcımız Cengiz DAĞCİ 100 yıl evvel Qırımnın Qızıltaş köyünde doğdu. Son yoluna da bu yerden uğurlandı.
Ruhun şad mekanın cennet olsun, Qırımın şanlı evladı…

cengiz dagcı
cengiz dagcı

Zelfira Shukurdzhiyeva

Bir cevap yazın

E-posta hesabınız yayımlanmayacak. Gerekli alanlar * ile işaretlenmişlerdir

Pin It on Pinterest