Siyasiy mabuslar boyunca Avropa mahkemesine devletler arası ariza mevzusında konferentsiya

2018 senesi arman (avgust) ayı 13 künü Temsilcilikteki halqara alâqalar hızmetiniñ yolbaşçısı Yevgen Samuha ve hızmetniñ baş mesleatçısı Valeriya Pahomova Ukraina adliye Nazirliginiñ ‘‘İnsan aqları boyunca Avropa mahkemesine Ukrainanıñ RF-ke qarşı yañı devletler arası arizanı taqdim etüv’’ mevzusında matbuat konferentsiyada iştirak ettiler. Tedbirde Ukraina adliye Naziri Pavlo Petrenko, Nazir muavini – İnsan aqları boyunca Avropa mahkemesinde davalar boyunca vekâletli şahıs İvan Lishchına, Ukraina Helsinki birliginiñ adliyecisi Darya Sviridova, ‘‘Kreml siyasiy mabuslarınıñ aqrabaları’’ cemaat teşkilâtınıñ başliğı Igor Kotelânets, başqa cemaat teşkilâtlarınıñ ve matbuat vastalarnıñ vekilleri çıqışta bulundılar.

Matbuat konferentsiya devamında İnsan aqları boyunca Avropa mahkemesine Ukraina Ükümeti tarafından istilâcı devletke qarşı Rusiyde qanunsız şekilde tutulğan ukrain siyasiy mabuslar boyunca yañı devletler arası ariza taqdim etilgeni aqqında bildirildi. Devletler arası arizada 70-ten ziyade siyasiy mabuslarnıñ aq-uquqlarını bozuv, olarnı RF topraqlarında ve Ukrainanıñ vaqtınca işğal etilgen Qırımda taqip etüv boyunca vesiqalar taqdim etildi.

Ukraina adliye Naziri bildirgenine köre, İnsan aqları boyunca Avropa mahkemesine yañı arizada Rusiye tarafından insan aqlarını ve esas serbestliklerini qorçalav boyunca Konventsiya bozulğanınıñ tasdıqları ketirildi. Ukraina Prezidentiniñ Qırım MC Temsilciligi siyasiy mabuslarğa ve olarnıñ qorantalarına aq-uquqlarını yerine ketirüvde, bu cümleden, müessiseler arası işbirlik çerçivesinde istilâcı devletke qarşı halqara davalarda mütenasip tasdıqlar bazasınıñ teşkil etüvde yardım köstermege devam etecektir.

Bir cevap yazın

E-posta hesabınız yayımlanmayacak. Gerekli alanlar * ile işaretlenmişlerdir

Pin It on Pinterest