Qırım müsulmanları Mirac gecesini qarşılay

Aprel 2-3 bağlağan gece musulmanlar Mirac gecesini qayd ete.  Qadir gecesinden soñ musulmanlar içün eñ müim gecelerden biri sayılmaqta.

Aprel 2 künü aqşam namazından soñ, Qırım camileriniñ çoqusında müsulmanlarğa, İslâm tarihında yer alğan bu vaqianıñ emiyeti añlatılacaq, Quran ve “Yasin” sureleri oqulacaq. Müsulmanlar yerli camilerge davet etile. Bundan da ğayrı, Aqmescitniñ Kebir-Camisinde diniy programma teşkil etilecek.

Bu gece Muhammed Peyğamber (s.a.s.) kökke seyahatnı keçirip, cennet ve ceennemni kördi, evelki peyğamberlernen körüşti. Mirac gecesiniñ eñ müim hususlardan biri, beş vaqıt namaznıñ farz qılınmasıdır.

Bu gece dua ve Quran oqumağa, Peyğamberniñ (s.a.s) mücizeviy yükselüvi aqqında ikâyelerni aytmağa ve diñlemege tevsiye etile. Muhammed Peyğamberimizniñ sahabesi Salman Farisiniñ sözlerine köre, Peyğamber böyle dedi:

“Recep ayınıñ hususiy bir künü ve gecesi bar ki, bu aynıñ yigirmi yedinci gecesidir. Bu künni orazanen, geceni ise ibadetlernen keçirgen sanki yüz yıl oraza tutqan ve ibadetlerni qılğan kibi olur”.

QMDİ MDT matbuat hızmeti

Bir cevap yazın

E-posta hesabınız yayımlanmayacak. Gerekli alanlar * ile işaretlenmişlerdir

Pin It on Pinterest