QIRIM HANLIĞINIÑ TOPRAĞI “HACIBEY” YAÑI ADINEÑ ODESA
Yañı adıneñ Odesa şehri.
Ukrainanın cenubinde bir liman şeeridir.Qırım topraqlarından hacı namzetleriniñ bu Hacıbey şeerindeki limandan gemilerneñ ketmesinden sebep bu şeere Hacıbey adı berilgendir.
Osmanlı ve Qırım Hanlıgına dair pek eserler qalmasa da şeerdeki balaban kale bu şeerniñ bir vaqıtlar bizim atalarımıznıñ toprağı olğanını isbatlay.
Qırım Hanlığı ve Osmanlıdan evel ise bu topraqlarda Cenevizler yaşay ediler. Cenevizler bu yerde liman olmasından sebep ticaret içün qullanğan ediler.
Qırım Hanlığı devrinde de bu yer ticaret ve ulaşuv içün qullanıldı.
1484 senesinde Sultan Bayezid Akkermanı fethetti ve mında balaban bir kale tiklenüvi içün emretti. Osmanlı-Rus Cenkinden soñ Osmanlı Devleti bu topraqlarñı coydı ve mında yaşağan Qırımtatarlar ise Anadolu topraqlarına ve Dobrucağa hicret etmege başladılar.
Bu şeer 1795 senesingecek “Hacıbey” dep anıla edi bu tarihten soñ şeernin adı Odesa dep deñiştirildi.
КЪЫРЫМ ХАНЛЫГЪЫНЫНЪ ТОПРАГЪЫ “ХАДЖЫБЕЙ” ОДЕСА
Янъы адыненъ Одеса шехри.
Украинанын дженубинде бир лиман шеэридир.Къырым топракъларындан хаджы намзетлерининъ бу Хаджыбей шеэриндеки лимандан гемилерненъ кетмесинден себеп бу шеэре Хаджыбей ады берильгендир.
Османлы ве Къырым Ханлыгына даир пек эсерлер къалмаса да шеэрдеки балабан кале бу шеэрнинъ бир вакъытлар бизим аталарымызнынъ топрагъы олгъаныны исбатлай.
Къырым Ханлыгъы ве Османлыдан эвель исе бу топракъларда Дженевизлер яшай эдилер. Дженевизлер бу ерде лиман олмасындан себеп тиджарет ичюн къуллангъан эдилер.
Къырым Ханлыгъы девринде де бу ер тиджарет ве улашув ичюн къулланылды.
1484 сенесинде Султан Баезид Аккерманы фетхетти ве мында балабан бир кале тикленюви ичюн эмретти. Османлы-Рус Дженкинден сонъ Османлы Девлети бу топракъларнъы джойды ве мында яшагъан Къырымтатарлар исе Анадолу топракъларына ве Добруджагъа хиджрет этмеге башладылар.
Бу шеэр 1795 сенесингеджек “Хаджыбей” деп аныла эди бу тарихтен сонъ шеэрнин ады Одеса деп денъиштирильди.
