Musulmanlar içün Mubarek üç aylar başlandı!
12 Şubat künü aqşam namazından soñ müsulmanlar içün mubarek “Üç aylar” başlandı.
- Receb – tövbe, ibadet ayı,
- Şaban – sevgi ve hızmet ayı,
- Ramazan – yaqınlaşuv ve bereket ayıdır.
Bu üç ay devamında müsulmanlar daa ziyade hayırlı işler yapmağa tırışa: Quran oqumaq, oraza tutmaq, sadaqa bermek, tövbe etmek ve namaz oqumaq, göñüllerni günahtan, başlarını ise yaramay fikirlerden temizlemege tırışalar. Bu vaqıt içinde müsulmanlarğa zıddiyet ile davalaşmağa yasaqtır.
Quranda aytılğanı kibi, bu mubarek vaqıt içinde hayırlı işlerniñ sevabı qat-qat öse.
Arap tilinden “receb” “ürmet”, “ibadet” kibi tercime etile. Receb ayınıñ birinci künü oraza tutmağa çoq müimdir, çünki onıñ sevabı üç yıllıq orazanıñ sevabına teñ kelmekte.
Mubarek aylarnıñ nevbetteki ayı Şabandır. Bu ayda Oraza tutmaq çoq sevaplı, insan vucudını Ramazan ayına azırlay.
Ramazan ayı devamında ise oraza tutmaq şarttır.
29 ya da 30 kun devam etken Ramazan ayı müsulmanlar qayd etken Oraza bayramınen yekünlene. Bayramda büyükler ziyaret etile, bayram namazını qılına ve zekât berile. Reğaib, Mirac, Beraat ve Qadır geceleri bu üç ay içinde saqlıdır.
Bu aylar devamında musulmanlar daa çoq eyi işlerni yapmağa, savaplar qazanmağa, Quran oqumağa, oraza tutmağa, sadaqa bermege, tövbe etmege, namaz qılmağa, canını günahlardan, aqılını ise, yaramay fikirlerden temizlemege tırışalar. Bu ayda musulmanlarğa davalaşmaq, munaqaşa etmek yasaqtır.
Bu vaqıtta bütün eyi işlerniñ savabı qat-qat ziyade berile, mümin Allahnıñ razılığını qazana.
Hadislerge esasen, Azret-i Peyğamber (s.a.s.) Recep ve, hususan, Şaban aylarında çoq oraza tutıp, özüni Ramazan ayına azırlay edi. Ramazan ayında ise, oraza tutmaq farzdır. Musulmanlar tañ atqanından başlap, küneş qavuşmasına qadar aşamaqtan, içmekten ve cinsiy munasebetlerden vazgeçeler.
Orazanıñ 29 ya da 30 künü Oraza bayramınen yekünlene. Bu vaqıtta musulmanlar büyüklerni ziyaret ete, fitir sadaqasını bereler. Bu üç ay içinde Reğaip, Mirac, Beraat, Qadir geceleri bulunmaqta. Rivayetlerge köre, bu künleri oqulğan dualar qabul etile, günahlar ise, afu etile.
Qırım MDİ matbuat hızmeti
