Kırım Tarihi

Musa Mahmut

Vatan içün şeit ketken qaraman Mamut oğlu Musanıñ sönmez hatırasına bagışlayım.

Musa Mahmut ‘Halqına yol aça’

Ah, menim hor halqım, muqaddes Vatanım,
Adıña-şanıña olayım qurban;
Ah, qaydan alayım, ah, qaydan tapayım
Adalet çoqragın-derdime derman.

Ah, menim guzelim, şırnıqlı Qırımım,
Asretlik yaqtı da yandırdı meni;
Men saña qaytarım, mıtlaqqa bararım-
Artıq iç dayanmam kormesem seni.

… Meraba, tuvganım-kozümniñ qarası,
Balamnen-çagamnen keldim men saña!
Melemsiñ-tüzelir gonlümniñ yarası-
Ecdatlar ruh berir, kuç olsa maña!

Çalışmaq-yaşamaq isteyim yurtumda,
Akimler-saipler iş bermey-quvalar.
KGB,milisler yureler artımdan-
İftira, yalannen yurekten uralar!

Bizlerni Qırımdan mudavmet quvalar,
Biz ise muhtacmız avası-suvuna.
Aqaret eteler, istese atarlar…
Vatandaş, aqqıñnı unutma-suvunma!

Ya Rabbim, derdimni kimlerge söyleyim?
Halqım da asretlik azabın çeke.
Aqiqat istegen tatarnı diñlemey,
Yurtundan çıqarıp, aydaylar çetke!

Barmı şu halqımnıñ qaydını çekecek,
Goñlüni alacaq bir devlet erbabı?
Barmı şu milletniñ kozyaşın silecek.
Merhamet eyleycek reberler barmı?

Gazeta, radio ve televizorda
Aq-uquq aqqında toqtamay aytalar.
Amma baq, tatarnı tuvgan oz yurtunda
Basqıncı akimler kopekday talaylar.

Ant etem:
Bir adım bile
Çekilmem Vatandan!
Ayrıldım Anamdan-
Bu menim ilim!
Ant etem:
Ayrılmam Qırımdan!
Kendimni yaqarım…
Degil tek tilde!
Bu menim diyarım,
Bu menim ilim!

… Saglıqnen qalıñız, soy-sopum, dostlarım.
Vatançün ozümni ateşte yaqam!
Bahıtlı oluñız! Ah, balaçıqlarım!
Qırımga tezce qayt, asretli halqım!

Qırımnıñ dagların, çöllerin boylap,
Ateşnen tutaşqan bir insan çapa…
Kimerde toqtala, nelerdir oylap,
Etrafqa muqqaddes nurunı saça.

Qırımnıñ ustünde ruh keze-uça,
Bu Mamut Musanıñ ikmetli kuçü.
Muqqaddes topraqqa tez qaytmaq içün
Asretli halqına aydın yol aça.

Eskender FAZIL

Musa Mamut.

musa mahmut
musa mahmut

Qırımtatar halqının milîl hareketiniñ faal azası, vatanperver Musa Mamut 20 Şubat 1931’de Balıqlava bölgesiniñ Uzuncu (Kolhoznoye) köyünde dünyağa geldi. Sürgünden soñra Qırım’ğa 1975 yılında qayttı, Aqmescit bölgesiniñ Beş Terek (Donskoye) köyünde ev aldı. 23 Nisan 1975 pasaport rejimini bozğanı yani ikametgahsız yaşağanı kerekçesi ile tutuqlandı ve 2 yılğa mahkum etildi. Eyi hal sebebi ile normal ceza süresinin bitimine 9 ay qala, 18 Temmuz 1977’de hapisten çıqtı. 20 Haziran 1978 künü Mahmut ve apayına qarşı pasaport rejimi bozma ile bağlı yañı bir ceza davası açıldı. Mamut, bu defa cezalandırıcıların eline sağ olaraq keçmeyecegini bildirdi. 23 Haziran 1978 künü evine polis gelgeninde üzerine benzin töküp özünü yaqtı. Bundan soñra 5 kün içerisinde Aqmescit hastahanesinde öldü ve 30 Haziran 1978 künü Beş Terek mezarlığında topraqqa berildi.

Kırım'ın Sesi Gazetesi

27 Şubat 2015 Tarihinde hizmet bermege başlağan www.kiriminsesigazetesi.com maqsadı akkında açıklama yapqan Mustafa Sarıkamış İsmail Bey Gaspıralı’nıñ bu büyük mirasına sahip çıqmaq ve onun emellerini yaşatmaqtır. Qırımtatar Türkleriniñ ananevî, körenek, ürf, adet kibi yaşamlarında ne bar ise objektif şekilde Dünya cemiyetine taqdim etilmektir.

Pin It on Pinterest